ბოლო 24 საათში საქართველოში covid-19-ის 1 ახალი შემთხვევა გამოვლინდა

19 მაისის მონაცემებით, საქართველოში კორონავირუსით ინფიცირების 702 შემთხვევაა დადასტურებული. კარანტინის რეჟიმშია 3787 ადამიანი, ხოლო სტაციონარში მეთვალყურეობის ქვეშ – 337 პირი. კორონავირუსით ინფიცირებულთაგან 456 გამოჯანმრთელდა და 12  გარდაიცვალა.

უცხოეთიდან საქართველოში სამკურნალოდ გადმოყვანილია  კორონავირუსით ინფიცირებული საქართველოს 3 მოქალაქე.

ბოლო 24 საათში გამოვლენილი covid-19-ის ახალი შემთხვევა ისევ ბოლნისის მუნიციპალიტეტის სოფელ მუშევანს უკავშირდება. ბოლნისის რაიონში საერთო ჯამში დაფიქსირებული 150 ფაქტიდან თითქმის ნახევარი სოფელ გეტასა და მუშევანზე მოდის. ორივე სოფელში ამ დროისთვის კარანტინია გამოცხადებული  და შესვლა-გასვლა იკრძალება. 

• მთავრობის ანტიკრიზისული გეგმა – ვინ რა დახმარებას მიიღებს
• როგორ აპირებს საქართველოს ხელისუფლება სოფლის მეურნეობის გადარჩენას
• 1 ივლისს საქართველოში ტურიზმი თავიდან იწყება? საუბარი მაია სიდამონიძესთან
• “კამერა გამოვრთე, ვითომ ინტერნეტმა გაჭედა” – ბავშვები ჰყვებიან, როგორ სწავლობენ და ცელქობენ ონლაინ-გაკვეთილებზე

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.