ბლოგერი ჩრდილოეთ ოსეთიდან ამბობს, რომ ის ФСБ-ს აგენტი იყო და აქვს კომპრომატები რუსულ სპეცსამსახურებზე

ФСБ-ს აგენტი

ახალგაზრდა ბლოგერი ჩრდილოეთ ოსეთიდან ფიდარ ხუბაევი ამტკიცებს, რომ ორი წელი მუშაობდა რუსეთის სპეცსამსახურებში. ახლა ФСБ-ს ყოფილი აგენტი შეერთებულ შტატებში იმყოფება და ამბობს, რომ მზადაა მიაწოდოს კომპრომატები რუსეთის უსაფრთხოების ძალებსა და რუსეთის ჯარზე. ხუბაევმა „ჯაშუშურ კარიერაზე“ ისაუბრა საზოგადოებრივ ორგანიზაცია Gulagu.net-თან ინტერვიუში, რომელიც მას ამერიკის შეერთებულ შტატებში გაქცევაში დაეხმარა.

“აგენტი ულიანოვი”

23 წლის ფიდარ ხუბაევმა ბლოგერობა და აქტივისტობა კოვიდ-დისიდენტობის გზით დაიწყო. მისი თქმით, 2020 წლის 20 აპრილს, ვლადიკავკაზში კოვიდ-დისიდენტების აქციის შემდეგ – რომელიც დასრულდა შეტაკებებით ეროვნული გვარდიის თანამშრომლებსა და აქციის მონაწილეებს შორის – ხუბაევმა გააკრიტიკა ხელისუფლებისა და უშიშროების ძალების ქმედებები სოციალურ ქსელებში, რომელიც დასრულდა პოლიციის განყოფილებაში “პრევენციული საუბრით”.

თუმცა, ამის შემდეგ, მან კვლავ განაგრძო კრიტიკული პოსტების წერა, უშიშროების ძალების მიმართ უხამსი სიტყვების გამოყენებით. ხუბაევი ამტკიცებდა, რომ “ის აღარ მივა პოლიციის განყოფილებაში”, მაგრამ მას მაინც მოუწია იქ დაბრუნება – ამჯერად ხუბაევი არჩევანის წინაშე დადგა: ან ციხე, ან ფედერალურ უსაფრთხოების სამსახურში (ФСБ) მუშაობა. ხუბაევმა ეს უკანასკნელი აირჩია.

• ცხინვალი: რომელი პრეზიდენტია ჩართული გახმაურებულ მკვლელობაში?
• “ომზე მახსენდება მონო-ბარათი”. ვის როგორ ახსოვს აგვისტოს ომი
• გამარჯვება ხერსონში. რა ელის უკრაინას და დაკარგავს თუ არა რუსეთი ყირიმს?

ახალაბედა ФСБ-ს აგენტმა მიიღო ფსევდონიმი “ულიანოვი” და, სავარაუდოდ, დაიწყო მუშაობა ერთდროულად ორ სამართალდამცავ უწყებაში – რეგიონულ ФСБ-სა და საგარეო საქმეთა სამინისტროს ექსტრემიზმის წინააღმდეგ ბრძოლის ცენტრში, ასევე მომსახურებას უწევდა ადმინისტრაციის ხელმძღვანელობას, ჩრდილოეთ ოსეთის მთავრობასა და ზოგიერთ კერძო პირს.

ბრძანებებს შორის, რომლებიც, მისივე სიტყვებით, ФСБ-ს აგენტმა ხუბაევმა მიიღო, იყო შემდეგი:

• სოციალურ ქსელებში „ტროლების ქარხნის“ ორგანიზება და, კერძოდ, ოპოზიციის ლიდერის, ალექსეი ნავალნის წინააღმდეგ კრიტიკული პოსტების დაწერა;
  
• კანადელი ირანისტი მეცნიერის, რიჩარდ ფოლცის მადისკრედიტირებელი ვიდეოს შექმნა და დამონტაჟება, რომელიც ცდილობდა რუსეთის მოქალაქეობის მიღებას ჩრდილოეთ ოსეთში (მას ოსი ცოლი ჰყავს);

• თვალთვალი ცნობილ ოს ჟურნალისტზე, ჟურნალ Daryal-ის მთავარ რედაქტორ ალან ცურბაევზე, რომელმაც დააარსა წიგნის კლუბი “ლამპა”, სადაც ახალგაზრდები ხშირად იკრიბებოდნენ.

გარდა ამისა, ხუბაევი ჩივის, რომ მას მოუწია “ხელმოწერა ანგარიშებზე, რომ თითქოს საერთოდ არ იცნობდა ამ დოკუმენტებში მონაწილე პირებს”.

ის ახასიათებს ФСБ-ს, როგორც ორგანიზაციას, რომელიც ცდილობს გააკონტროლოს ყველა და ყველაფერი: არა მხოლოდ აქტივისტები და ოპოზიცია, არამედ შინაგან საქმეთა სამინისტრო, პროკურატურა, სასამართლო და რესპუბლიკური ხელისუფლება.

2022 წლის გაზაფხულზე ხუბაევი მოხალისედ დარეგისტრირდა ჩრდილოეთ ოსეთის “ალანიას” ბატალიონის შემადგენლობაში და დონბასში საბრძოლველად წავიდა. მას დაევალა მეთვალყურეობა გაეწია თანამებრძოლებისთვის, გადაეცა უკრაინელი და რუსული ჯარების ლოკაციები, აღენიშნა საპროტესტო განწყობები მებრძოლებს შორის, რაც მან გააკეთა კიდეც. პარალელურად, მეთაურებთან კონფლიქტის გამო ორჯერ გააძევეს ბატალიონიდან, მაგრამ მაინც მოახერხა უკან დაბრუნება.

ნასოფლარების მხარე. რეპორტაჟი თრუსოდან, სადაც ოდესღაც ერთად ცხოვრობდნენ ქართველები და ოსები

აქაურობა ისტორიული ფილმის დეკორაციას ჰგავს – ქვით ნაგები შუასაუკუნოვანი ციხე-კოშკებები, ერთნავიანი ბაზილიკები, ერთსართულიანი ქვის სახლები და გალავნები

ჭეშმარიტების გზაზე

ხუბაევის თქმით, სპეცსამსახურები მის შეერთებულ შტატებში „ჩანერგვასაც“ აპირებდნენ, მაგრამ საქმე აქამდე აღარ მივიდა – შტატებში ის გახდა მონანიებული დეზერტირი და არა ჯაშუში.

ხუბაევის შეხედულება ცხოვრებაზე მკვეთრად შეიცვალა მას შემდეგ, რაც მისმა 47 წლის მამამ, ახსარბეკ ხუბაევმა, 2022 წლის სექტემბერში რუსეთში გამოცხადებული ნაწილობრივი მობილიზაციის ფარგლებში გაწვევა მიიღო. ხუთი წუთის შემდეგ ФСБ-ს ყოფილ აგენტს, სურდა მიეწერა თავის კურატორებისთვის ზომების მისაღებად, მაგრამ შემდეგ მან გადაწყვიტა სხვაგვარად მოქცეულიყო – „დამსაქმებლების“ ნაცვლად, მან მიწერა ორგანიზაცია Gulagu.net-ს და თქვა, რომ მას აქვს კომპრომატები რუსეთის სამართალდამცავ და სამხედრო სტრუქტურებზე და მტკიცებულებად რამდენიმე დოკუმენტი გაგზავნა. ამ დოკუმენტებით დაინტერესდა Gulagu.net-ის ხელმძღვანელობა და ასოციაცია „დისიდენტების ფონდთან“ ერთად მოაწყო ხუბაევის „გაქცევა“ ჩრდილოეთ ოსეთიდან აშშ-ში.

ახლა კი ФСБ-ს “ნამდვილი” აგენტი ხუბაევი აპირებს ისაუბროს ყველა იმ ინფორმაციის შესხებ, რაც მას გააჩნია და რომელიც მოახდენს რუსეთის სპეცსამსახურების დისკრედიტაციას, ასევე გაასაჯაროებს უკრაინაში რუსული არმიის მოქმედებების შესახებ მონაცემებს.

ხუბაევი ამბობს, რომ ნანობს, რაც ჩაიდინა, არ უჭერს მხარს უკრაინაში რუსეთის ომს და პატიებას ითხოვს. მისი თქმით, ის „ურთიერთობდა ადგილობრივ უკრაინელებთან და მათ შორის მან ვერ ნახა ნეონაცისტები, როგორც ამას რუსული პროპაგანდა ეუბნებოდა“.

ხუბაევი რუსეთის არმიას და მის სამხედრო ლიდერებს კორუფციასა და პროფესიულ წარუმატებლობაში ადანაშაულებს. ასევე ამბობს, რომ რუსული არმია ძალიან ცუდად არის შეიარაღებული და ბევრად ჩამოუვარდება უკრაინულს. რუსი მოხალისეები კი, თუ მის მონაყოლს დავუჯერებთ, დაზვერვის ოფიცრების მიერ გაწვრთნილნი არიან და ყოველთვიურად უხდიან დაახლოებით 1700 დოლარს ნაღდი ფულის სახით.

იმისათვის, რომ დაამტკიცოს, რომ მან ნამდვილად შეწყვიტა მუშაობა ФСБ-ში და აღარ ასრულებს მათ დავალებებს, ხუბაევი მზადაა გადასცეს Gulagu.net-ის თანამშრომლებს ის „საიდუმლო დისკი საიდუმლო ინფორმაციით“, რომელიც თან წამოიღო.

გაქცევა ბიზნეს კლასით

თავად ჩრდილოეთ ოსეთში ხუბაევის მიერ ნახსენები არც ერთი უწყება არ აკეთებს რაიმე სახის კომენტარს მის “მხილებებზე”

ზოგიერთმა ჩრდილოეთ ოსმა აქტივისტმა გაიხსენა, რომ ხუბაევი ნამდვილად ცდილობდა მათთან ურთიერთობას და სთავაზობდა სხვადასხვა იდეებსა და პროექტებს, მაგრამ ცოტა ადამიანი დაინტერესდა მისით.

ბლოგერი ბატრაზ მისიკოვი იხსენებს, რომ ხუბაევი მასთან დაკავშირებას 2022 წლის მარტში ცდილობდა.

ალან ცხურბაევი, რომელთანაც ჩანერგილი იყო ხუბაევი, ” შოკირებულია იმით”, თუ ვინ აღმოჩნდა მისი “წიგნის კლუბის” ერთ-ერთი წევრი:

ფიდარი ორჯერ ან სამჯერ დაესწრო ჩვენს შეხვედრებს და მონაწილეობა მიიღო დისკუსიებში, მაგრამ კლუბში არასდროს შეგვიმჩნევია მისთვის რაიმე საეჭვო

ბევრად უფრო მძაფრი იყო ალან მამიევის რეაქცია, რომლის მიმართაც დაიწყო საქმის წარმოება ადმინისტრაციული წესით კოვიდ-დისიდენტობისა და რუსეთის ფედერაციის შეიარაღებული ძალების დისკრედიტაციის ბრალდებით. უფრო მეტიც, მამიევმა თავისი გაბრაზება არა იმდენად ხუბაევზე, ​​არამედ ჩრდილოეთ ოსეთის უშიშროების ძალებზე გადაიტანა, რომლებმაც მასზე დადეს ფსონი:

„მას ფულს აძლევდნენ, მხარს უჭერდნენ და ისიც თავის მხრივ აგროვებდა ინფორმაციას სამართალდამცავების შესახებ. სწორედ მას ენდნენ ისინი და სწორედ ის აგროვებდა მათზე სიბინძურეებს. ამ მოღალატეს, რომელიც გაიქცა და რომელიც ახლა მუშაობს უცხო ქვეყნის სპეცსამსახურებისთვის, ჩრდილოეთ ოსეთში ყველა უპირატესობა მიენიჭა“.

მაგრამ ჟურნალისტი და ბლოგერი ზაურ ფარნიევი ირონიით გამოეხმაურა იმ ფაქტს, რომ ФСБ-ს აგენტი სწორედ ამ “ძლევამოსილ” უსაფრთხოების სამსახურს ცხვირწინ ააცალეს. ყველაზე მეტად ფარნიევი მხიარულობს იმით, რომ ხუბაევი ძალიან მადლიერი იყო Gulagu.net-ის, რომელმაც ის შტატებში ბიზნეს კლასით გადაიყვანა.

„როსკიპ ფიდარ ხუბაევთან ორსაათიანი ინტერვიუს ყურების შემდეგ დამრჩა შთაბეჭდილება, რომ აშშ-ში ბიზნეს კლასით მგზავრობა ყველაზე ძლიერი შოკი აღმოჩნდა მის ცხოვრებაში.“ – თქვა ფარნიევმა.