არის თუ არა ქართულ-აფხაზური კონფლიქტის რისკი უკრაინის ომის ფონზე? გამოკითხვა აფხაზეთში
არის თუ არა ქართულ-აფხაზური კონფლიქტის ესკალაციის რისკი
არის თუ არა ქართულ-აფხაზური კონფლიქტის ესკალაციის რისკი გეოპოლიტიკურ კონტექსტში, რომელიც მკვეთრად შეიცვალა უკრაინაში რუსეთის შეჭრის შემდეგ? სად მიდის საქართველო – ევროპაში თუ რუსეთში? ეს კითხვები JAMnews-ის ჟურნალისტებმა აფხაზეთის მოსახლეობას დაუსვეს.
კონტექსტი
2023 წლის მარტის დასაწყისში, თბილისში გამართულმა მრავალათასიანმა ანტირუსულმა აქციებმა აფხაზეთში დიდი რეზონანსი გამოიწვია.
„თბილისში შესაძლოა ახალი ხელისუფლება მოვიდეს, რომელიც მზად იქნება მეორე ფრონტის გასახსნელად”, – ამბობენ აფხაზი პოლიტიკოსები და ექსპერტები.
პრეზიდენტმა ასლან ბჟანიამ თავის საჯარო გამოსვლებში ასევე არაერთხელ აღნიშნა, რომ არსებობს ქართული მხრიდან თავდასხმის საფრთხე.
ამ განწყობებს მოსკოვის განცხადებებიც აძლიერებს. საქართველოში განხორციელებული ქმედებების პარალელურად, რუსეთის ხელისუფლების მაღალჩინოსნები ერთმანეთის მიყოლებით აკეთებდნენ განცხადებებს მოსალოდნელ პროვოკაციებზე და ომის საფრთხეზე.
- რუსეთის ფედერაციის პრეზიდენტის პრესმდივანმა დმიტრი პესკოვმა განაცხადა, რომ მოსკოვი შეშფოთებულია შესაძლო რისკებით აფხაზეთთან და ცხინვალის რეგიონთან დაკავშირებით.
- რუსეთის საგარეო საქმეთა მინისტრმა სერგეი ლავროვმა თბილისში განვითარებული მოვლენები კიევის მაიდანს შეადარა. მისი თქმით, კანონპროექტის წინააღმდეგ პროტესტი მხოლოდ ხელისუფლების ძალისმიერი ცვლილების საბაბი იყო.
- რუსეთის სახელმწიფო სათათბიროს სპიკერმა ვიაჩესლავ ვოლოდინმა განაცხადა, რომ საქართველო ამერიკის ზეწოლის გამო კარგავს სუვერენიტეტს და სწორედ აშშ-მ მოაწყო თბილისში მასშტაბური საპროტესტო აქციები.
- ახალი „კანონი ბინების შესახებ“ აფხაზეთში – რას ნიშნავს და რა საფრთხეებს შეიცავს
- “ჩვენ არავის ვალი არ გვაქვს” – მოსაზრება აფხაზეთიდან
- „თუ კორუფციის წინააღმდეგი ვარ, ანტირუსული ელემენტი ვარ? – აფხაზეთში ხელისუფლების ბრალდებებს უპირისპირდებიან
აფხაზეთში ასეთი განცხადებების ფონზე:
- სამხედრო წვრთნები ძირითადად ეთნიკურად ქართველებით დასახლებულ გალის რაიონში იმართება.
- ათონზე შეიქმნა სარეზერვო ბატალიონი, მიმდინარეობს რეგულარული წვრთნები და რეზერვისტების წვრთნა.
- აწყობენ დრონებს მსოფლიოს სხვადასხვა კუთხეში შეკვეთილი სათადარიგო ნაწილებისგან. ამის შესახებ აფხაზური ოპოზიციის ლიდერმა, ადგურ არძინბამ განაცხადა.
JAMnews-ის ჟურნალისტებმა გადაწყვიტეს ჰკითხონ ადგილობრივ მოსახლეობას, გრძნობენ თუ არა საფრთხეს თბილისის მხრიდან.
ვიდეო შეიცავს რამდენიმე სახასიათო პასუხს. რესპონდენტთა აბსოლუტურმა უმრავლესობამ განაცხადა, რომ ისინი ვერ ხედავენ ვერანაირი ომის საფრთხეს, მაგრამ მათ ეშინიათ, რომ თუ თბილისში ხელისუფლება შეიცვლება, შესაძლოა მოხდეს სამხედრო ესკალაცია.
ასევე ბევრია ისეთი, ვისაც არ სჯერა, რომ საქართველოს შეუძლია გადაუხვიოს ევროპულ გზას და მართლაც დაუახლოვდეს რუსეთს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
