აფხაზეთში უცნობმა პირმა პრეზიდენტი ღალატში დაადანაშაულა და მუხაჯირების ძეგლს საღებავი შეასხა
ვანდალიზმის აქტი აფხაზეთში
3-4 ნოემბრის ღამეს აფხაზეთის დედაქალაქ სოხუმში უცნობმა პირმა ე.წ. პრეზიდენტის ადმინისტრაციის ფანჯრების ქვეშ ასფალტზე ზეთის საღებავით დაწერა, რომ ბჟანია მოღალატეა. მან ასევე საღებავი შეასხა სასახლის გვერდით მდგარ მუხაჯირების ძეგლს, რომლებიც მე-19 საუკუნეში კავკასიისა და რუსეთ-თურქეთის ომების დროს სამშობლოდან ძალით გაასახლეს.
ხელისუფლება მიანიშნებს, რომ ეს ოპოზიციის ნამოქმედარია.
“ჩვენ გვჯერა, რომ ეს აღმაშფოთებელი დანაშაული შეიძლებოდა ჩადენილიყო იმ ადამიანების მიერ, რომლებისთვისაც უცხოა ყველაზე ძვირფასი რამ, რაც ჩვენს ხალხს აქვს – ისტორიული მეხსიერება“, – ნათქვამია პრეზიდენტის პრესსამსახურში.
გარდა ამისა, ადმინისტრაცია აღნიშნავს, რომ ოპოზიციური Telegram-ის არხები, რომლებიც ამ მოვლენის შესახებ წერენ, “აქცენტს აკეთებენ შეურაცხმყოფელ წარწერებზე, რომლებიც მიმართულია ქვეყნის ხელმძღვანელობის მისამართით, ხოლო დუმან მუხაჯირების ძეგლის წინააღმდეგ ჩადენილი ვანდალიზმის შესახებ“.
სოხუმის მერი ბესლან ეშბა დარწმუნებულია, რომ დამნაშავე აუცილებლად კანონის სრული სიმკაცრით დაისჯება.
ოპოზიციონერები თვლიან, რომ თუ ხელისუფლება ვერ იპოვის დამნაშავეებს, მაშინ ეს ინციდენტი შეიძლება ჩაითვალოს “ოპოზიციის დისკრედიტაციისა და საზოგადოებრივი აზრის მანიპულირების პოპულისტურ მცდელობად“.
სოციალური ქსელების მომხმარებლებს კიდევ ბევრი ვარიანტი აქვთ იმის შესახებ, თუ ვინ არის დამნაშავე: უცხო სახელმწიფოს სადაზვერვო სამსახურებიდან დაწყებული, ფსიქიკური აშლილობის მქონე მარტოსულამდე.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო.
