აფხაზეთში მსოფლიოში ყველაზე ღრმა მღვიმისთვის სახელის გადარქმევას აპირებენ

ყველაზე ღრმა მღვიმე აფხაზეთში

აფხაზ ჩინოვნიკებს აფხაზეთის ტერიტორიაზე მდებარე მსოფლიოში ყველაზე ღრმა მღვიმისთვის სახელის გადარქმევა სურთ. მიზეზად ისინი ასახელებენ იმას, რომ მღვიმე ალექსანდრ ვერევკინთან, რომლის სახელსაც ამჟამად ატარებს, არავითარ კავშირში არ არის და ის საერთოდ აფხაზეთშიც კი არ ყოფილა. იგეგმება, რომ მღვიმეს ყველაზე ცნობილი აფხაზი მწერლის, ფაზილ ისკანდერის სახელი მიენიჭება.

საზოგადოებას არ მოსწონს სახელის გადარქმევის იდეა.

• ოცნება მაცივარზე და დედაზე დარდი – როგორ ცხოვრობენ აფხაზეთში სოციალურად დაუცველი ბავშვები
• ახალი „კანონი ბინების შესახებ“ აფხაზეთში – რას ნიშნავს და რა საფრთხეებს შეიცავს

მღვიმე ნახევარ საუკუნეზე მეტი ხნის წინ აღმოაჩინეს და 1986 წლამდე მას “S-117” ან “P-1-7” ერქვა. სპელეოლოგი ალექსანდრ ვერევკინი 1983 წელს გარდაიცვალა ყაბარდო-ბალყარეთში, სუ-აკანის გამოქვაბულის, სიფონის გავლისას. სამი წლის შემდეგ მისი მეგობრები ექსპედიციაში წავიდნენ აფხაზეთში, სადაც ვერევკინის ხსოვნის პატივსაცემად გამოქვაბულს მისი სახელი დაარქვეს. იმ დროს ის შესწავლის პროცესში იყო და ჯერ კიდევ არ ითვლებოდა ყველაზე ღრმა მღვიმედ.

ამ სახელთან დაკავშირებით პრეტენზია ამ დრომდე არ გამოთქმულა. პერეტნზიები გაჩნდა მას შემდეგ, რაც 2017 წელს გამოქვაბულის შემსწავლელმა საერთაშორისო ექსპედიციამ 2212 მეტრის სიღრმეზე ჩასვლა შეძლო და ეს მიღწევა გინესის რეკორდების წიგნში შევიდა. სწორედ ამიტომ გადაწყდა მისთვის აფხაზეთთან კავშირში მყოფი ახალი სახელი მიენიჭებინათ.

„მიმაჩნია, რომ მსოფლიოში ყველაზე დიდ მღვიმეს, რომელიც ჩვენი ქვეყნის ტერიტორიაზეა, აფხაზური სახელი უნდა ჰქონდეს. ჩემი აზრით, მე-20 საუკუნის ერთ-ერთი საუკეთესო მწერალი, ფაზილ ისკანდერი იმსახურებს ამ გამოქვაბულს ოფიციალურად მიენიჭოს მისი სახელი, რადგან სწორედ მან აღმოაჩინა აფხაზური სულის სიღრმე“, – განაცხადა ტურიზმის მინისტრმა თეიმურაზ ხიშბამ სიტყვით გამოსვლისას.

ორმაგი მოქალაქეობა აფხაზეთში: არა ფუფუნება, არამედ მგზავრობის საშუალება

მხოლოდ აფხაზური პასპორტის არსებობით შეუძლებელია საზღვარგარეთ გამგზავრება

რუსოფობიაში დადანაშაულების ან მკვლევართა სამყაროს მიმართ უპატივცემულობის ბრალდებების თავიდან აცილების მიზნით, მინისტრი იქვე აცხადებს, რომ არაფერი აქვს საწინააღმდეგო კიდევ სამი აფხაზური გამოქვაბულის დასახელებისა, რომლებიც ვერევკინის გამოქვაბულთან ერთად, ოფიციალურად მსოფლიოს ოთხ უღრმესს შორისაა.

თუმცა, სოციალური ქსელების აფხაზ მომხმარებლებს მინისტრის არგუმენტი არადამაჯერებლად მიაჩნიათ და მღვიმის სახელის გადარქმევად დიდი ენთუზიაზმით არ შეხვდნენ.

რამდენიმე კომენტარი:

„აფხაზური ტურიზმის ყველა პრობლემა უკვე წარმატებით მოგვარებულია. რჩება მხოლოდ ვერევკინას მღვიმის სახელის გადარქმევა“;

„ავსტრია-უნგრეთის ფრანც იოსები არასოდეს ყოფილა არქტიკაში, მისი სახელობის არქიპელაგის ჩათვლით“;

„დიდი ფაზილის საწინააღმდეგო, რა თქმა უნდა, არაფერი მაქვს, კურთხეული ხსოვნა გამოჩენილ მწერალს, მაგრამ რა შუაშია ის სპელეოლოგიასთან?“

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო