რუსულ-აფხაზური საინვესტიციო შეთანხმების წინააღმდეგ კამპანია აფხაზეთში სულ უფრო და უფრო მატულობს
რუსული ინვესტიციები აფხაზეთში
აფხაზეთში რუსულ-აფხაზური საინვესტიციო შეთანხმების წინააღმდეგ კამპანია სულ უფრო და უფრო მწვავდება. 15 სექტემბერს, აფხაზეთის პარლამენტი ეკონომიკის მინისტრის მიერ უკვე ხელმოწერილი ხელშეკრულების რატიფიცირების საკითხს განიხილავს. თუმცა, იმის გათვალისწინებით, რომ ოპოზიცია და საზოგადოების მნიშვნელოვანი ნაწილი ამის კატეგორიული წინააღმდეგია, შესაძლოა პროექტი ჩავარდეს.
აფხაზეთის სხვადასხვა რეგიონებში მოქალაქეები დეპუტატებთან შეხვედრებს მართავენ, რათა დაარწმუნონ ისინი, რომ არ მოახდინონ ხელშეკრულების რატიფიცირება. 12 ოქტომბერს, ერთ-ერთი ასეთი შეხვედრის შემდეგ, ხულიგნობის ბრალდებით ხუთი ოპოზიციონერი დააკავეს. ამის საპასუხოდ ოპოზიციამ საპროტესტო აქცია გამართა და დაკავებულები გაათავისუფლეს.
ამ ინციდენტმა კიდევ უფრო გაამწვავა კონფლიქტი საზოგადოებასა და ხელისუფლებას შორის, რომელსაც ე.წ. პრეზიდენტი ასლან ბჟანია წარმოადგენს და რომელიც ლობირებს ამ შეთანხმებას.
ხელშეკრულება ითვალისწინებს, რომ რუსი ინვესტორები 8 წლით თავისუფლდებიან საბაჟო გადასახადისგან სამშენებლო მასალებისა და აღჭურვილობის იმპორტისთვის, ასევე კორპორაციული ქონების გადასახადისა და მოგების გადასახადის გადახდისგან.
დამატებითი ღირებულების გადასახადი ინვესტორისთვის იქნება მხოლოდ ხუთი პროცენტი – ჩვეულებრივის ნახევარი.
გარდა ამისა, აფხაზეთის მთავრობა ვალდებულია, ამ ხელშეკრულებით დაფარული და ცალკე რეესტრში შეყვანილი ინვესტორები უზრუნველყოს ენერგეტიკული სიმძლავრეებით და კომუნალურ ქსელებთან და კომუნიკაციებთან მიერთების უპირატესი უფლებით.
და ბოლოს, ინვესტორს უფლება აქვს, ბანკში გირაოს სახით ჩადოს აფხაზეთის მთავრობის მიერ მიწოდებული მიწა. შესაბამისად, თუ ინვესტორს რამე “დაემართება”, ბანკს შეუძლია წაართვას ეს “სახელმწიფო“ მიწა.
შეთანხმების ოპონენტები მიიჩნევენ, რომ ის სასიკვდილო დარტყმას მიაყენებს ადგილობრივ ბიზნესს, რომელიც უბრალოდ ვერ გაუწევს კონკურენციას რუსულ ბიზნესს ასეთი პირობებით. უფრო მეტიც, მათი აზრით, ეს შეთანხმება საფრთხეს უქმნის აფხაზეთის უსაფრთხოებას.
- მოსაზრება: სამი საფრთხე ემუქრება აფხაზეთში რუსული ინვესტიციების შესახებ შეთანხმებას
- “აფხაზეთის პრეზიდენტი ლობირებს რუსი ოლიგარქების ინტერესებს, რათა დარჩეს ხელისუფლებაში” – მოსაზრება სოხუმიდან
ამ დროისთვის ასე ჩანს, რომ ძალიან ეფექტური აღმოჩნდა დეპუტატებთან “ახსნა-განმარტებითი საუბრების“ მეთოდი: 14 ნოემბრის დილისთვის პარლამენტის 35 დეპუტატიდან 12-მა უკვე ოფიციალურად განაცხადა, რომ ხმას მისცემენ რატიფიკაციის წინააღმდეგ.
15 ნოემბერს ოპოზიცია პარლამენტთან აქციის გამართვას აპირებს. და თუ მაინც მოახერხეს რატიფიკაციის წარმატებით დამთავრდება, მაშინ ასლან ბჟანიას საპრეზიდენტო არჩევნებზე მეორე ვადით არჩევის შანსები ნულს მიუახლოვდება.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
