საფრანგეთის ახალი პრეზიდენტის ვინაობა 7 მაისს გაირკვევა

კვირას 7 მაისს ფრანგი ამომრჩეველი გადაწყვეტს, თუ ვინ უხელმძღვანელებს ქვეყანას – ემანუელ მაკრონი თუ მარინ ლე პენი. წინასაარჩევნო კამპანია დასრულებულია. 6 მაისი – “სიჩუმის დღეა”, ამ დღეს აგიტაცია აკრძალულია.

ოთხშაბათს დამაგვირგვინებელი დებატები გაიმართა. სოციოლოგიური გამოკითხვების მიხედვით, დებატები ემანუელ მაკრონმა მოიგო. ის რჩევა საპრეზიდენტო არჩევნების ლიდერად, მას ლე პენი 20 პროცენტით ჩამორჩება.

საარჩევნო მარათონის დასასრულს კანდიდატებმა ერთმანეთში ბრალდებები გაცვალეს. ლე პენმა მაკრონი ოფშორულ ზონაში ანგარიშების ქონაში დაადანაშაულა. მაკრონმა კი ამომრჩეველს გაახსენა, რომ პროკურატურა იკვლევს მისი მოწინააღმდეგის საარჩევნო კამპანიის რუსეთიდან დაფინანსების საკითხს.

შეგახსენებთ, რომ ლე პენი – საფრანგეთის ევროკავშირიდან გამოსვლის მომხრეა – მაკრონი კი – “ევროოპტიმისტი”.