FBI-ს დირექტორის სკანდალური გათავისუფლება

აშშ-ის პრეზიდენტმა დონალდ ტრამპმა თანამდებობიდან გამოძიების ფედერალური ბიუროს დირექტორი ჯეიმს კომი დაითხოვა.

მან საკუთარი გათავისუფლების შესახებ ახალი ამბებიდან შეიტყო. FBI-ს დირექტორის სახელზე მიწერილ წერილში დონალდ ტრამპმა აღნიშნა, რომ ეჭვი ეპარება მის უნარში უწყებას ეფექტურად უხელმძღვანელოს.

ტრამპის მოულოდნელი გადაწყვეტილება აშშ-ში მასშტაბური პოლიტიკური სკანდალის მიზეზი გახდა. მთავარი პრობლემა ისაა, რომ ტრამპის წინასაარჩევნო შტაბის რუსეთის სპეცსამსახურებთან შესაძლო კავშირების გამოძიებას სწორედ კომი ხელმძღვანელობდა.

ტრამპის მოწინააღმდეგეები ამბობენ, რომ რუსეთის პრეზიდენტს იმედი ჰქონდა, რომ ტრამპის გამარჯვება რუსეთისთვის ჰილარი კლინტონის გამარჯვებაზე უფრო მომგებიანი იქნებოდა. დამკვირვებლები აშშ-ის ისტორიიდან ანალოგიურ ეპიზოდს იხსენებენ. 1973 წელს პრეზიდენტმა ნიქსონმა პროკურორი არჩიბალდ კოქსი გაათავისუფლა, რომელიც ნიქსონის წინააღმდეგ გამოძიებას ხელმძღვანელობდა. ერთ წელიწადში ნიქსონმა თანამდებობა იმპიჩმენტის პროცედურის შედეგად დატოვა.