საქართველოს 21-მა მოქალაქემ რუსეთს ევროსასამართლოში საქმე მოუგო

საქმეში შიოშვილი და სხვები რუსეთის წინააღმდეგ, ფეხმძიმე ქალისა და მისი 4 მცირეწლოვანი შვილის მიმართ მოპყრობაზე იყო ყურადღება გამახვილებული. მას რუსეთმა 30 ათასი ევრო უნდა გადაუხადოს. მომჩივანი ქალი აცხადებდა, რომ ის გააძევეს სხვებთან ერთად რუსეთიდან, თუმცა შემდეგ 2 კვირის განმავლობაში ხელს უშლიდნენ ქვეყნის დატოვებაში. ამ დროის განმავლობაში დაზარალებული რუსეთის მთავრობას საკმაოდ მძიმე პირობებში ჰყავდა. მიუხედავად იმისა, რომ ქალი საქართველოში ჩავიდა, მას მკვდრადშობილი ბავშვი ეყოლა.

საქმეზე ძიძავა რუსეთის წინააღმდეგ კი სასამართლომ დაადგინა, რომ რუსეთის მთავრობა ქართველ მამაკაცს, რომელსაც ასთმა ჰქონდა არაადამიანურად მოეპყრა და ვერ დაასაბუთეს, თუ რატომ გარდაიცვალა მოქალაქე დეპორტირების პროცესში. ამ საქმეში სასამართლომ რუსეთის ფედერაცია პასუხისმგებლად სცნო თ. ტოგონიძის გარდაცვალების გამო და რუსეთს გარდაცვლილის მეუღლის სასარგებლოდ 40 ათასი ევროს და სამართალწარმოებისას გაწეული ხარჯის 1944.78 ფუნტი-სტერლინგის გადახდა დააკისრა.

ქართველების უფლებებს ამ საქმეებში ორგანიზაციები – საქართველოს ახალგაზრდა იურისტთა ასოციაცია და ”Article 42 of the Constitution” – ”კონსტიტუციის 42-ე მუხლი” – იცავდნენ.