2017 წელს სუამ-ის ქვეყნებს შორის თავისუფალი ვაჭრობის რეჟიმის შემოღება იგეგმება

სუამ-ის წევრი ქვეყნების პრემიერ-მინისტრებმა (საქართველო-უკრაინა, აზერბაიჯანი, მოლდოვა) თავისუფალი ვაჭრობის ზონის შემოღებისთვის საჭირო  რიგ დოკუმენტებს მოაწერეს ხელი

კერძოდ, მთავრობების მეთურებმა კიევში გამართულ შეხვედრაზე, თავისუფალი ვაჭრობის შესახებ  შეთანხმების ფარგლებში,  ხელი მოაწერეს ოქმს, რომელიც  საქონელსა და სატრანსპორტო საშუალებთან მიმართებაში  საბაჟო პროცედურების ურთიერთმისაღებ ცალკეულ შედეგებს ითვალისწინებს; ასევე  ხელი მოეწერა ოქმს მხარეთა კოორდინირებული მოქმედებების სამუშაო ორგანოს შექმნის შესახებ.

უკრაინის პრემიერის ვლადიმირ გროისმანის განცხადებით, მას იმედი აქვს, რომ სუამ-ის წევრ ქვეყნებს  შორის სრულფასოვანი თავისუფალი ვაჭრობა  უკვე 2017 წლიდან ამოქმედდება.

საქართველოს, აზერბაიჯანისა და მოლდოვას მთავრობების მეთაურები უკრაინის პრეზიდენტს შეხვდნენ, ასევე სუამი -ის ბიზნეს ფორუმში მიიღეს მონაწილეობა.

რეგიონული „ორგანიზაცია სუამი დემოკრატიული და ეკონომიკური განვითარებისთვის“  1997 წელს შეიქმნა საქართველოს, უკრაინის, აზერბაიჯანის და მოლდოვას მიერ (1999 წლიდან 2005 წლამდე ორგანიზაციაში შედიოდა უზბეკეთიც).