მიწისძვრის შედეგად მექსიკაში 200-ზე მეტი ადამიანი დაიღუპა

მექსიკის დედაქალაქ მეხიკოსა და მიმდებარე შტატებში სამშაბათს საღამოს მომხდარი მძლავრი მიწისძვრის შედეგად  ასობით ადამიანი დაიღუპა და დაზარალდა. სამძებრო და სამაშველო სამუშაოები გრძელდება, –  იუწყება СNN.

7.1  მაგნიტუდის სიძლიერის მიწისძვრის ეპიცენტრი ქალაქ სან-ხუან რაბოზოს ჩრდილო-აღმოსავლეთიდან 4.5 კმ-ით არის დაშორებული.

როგორც ქვეყნის პრეზიდენტმა ენრიკე ნიეტომ განაცხადა, მეხიკოში სტიქიისგან დანგრეული სკოლის შენობის ნანგრევებში 22 მოსწავლის სხეულია აღმოჩენილი. სამშაბათს საღამოს უგზო-უკვლოდ დაკარგულთა სიაში,  სულ ცოტა, 30 ბავშვის სახელი მოიხსენიებოდა.