ჰენრიხ მხითარიანმა სომხეთში მოინახულა ბავშვები, რომლებიც ჰემეტოლოგიის ცენტრში გადიან მკურნალობას
სომხეთის ნაკრებისა და კლუბ „მანჩესტერ იუნაიტედის“ ნახევარმცველი ჰენრიხ მხითარიანი ჰემატოლოგიის ცენტრში იმყოფებოდა და ბავშვთა განყოფილების პაციენტებს შეხვდა. გარდა ბავშვებთან საუბრისა და მათთან ერთად ფოტოების გადაღებისა, ფეხბურთელმა მათ ასევე საჩუქრად დაურიგა ბურთები, მაისურები და თავისი ავტოგრაფიანი ბარათები.
ბავშვებმა კი თავიანთი საყვარელი ფეხბურთელისთვის საკუთარი ხელით პლაკატი დაამზადეს და შეასრულეს სიმღერა.
მხითარიანის თქმით, ამ ვიზიტით მას სურდა, მცირედი წვლილი შეეტანა ბავშვების გამოჯანმრთელებისა და მათი ფსიქოლოგიური მდგომარეობის გაუმჯობესების საქმეში, მათთვის იმ რწმენის ჩასანერგად, რომ არანაირ ვითარებაში სულიერად არ უნდა დაეცნენ, ოპტიმისტებად დარჩნენ და თავიანთი მიზნებისთვის იბრძოლონ.
