ყარაბაღი. გამყოფ ზოლზე სიტუაცია ისევ მწვავდება

ინფორმაცია სომხეთიდან

მთიანი ყარაბაღის თავდაცვის სამინისტროს პრეს-სამსახური იუწყება, რომ 4 ივლისს გამყოფ ზოლზე აზერბაიჯანის სამხედრო ძალებმა ცეცხლის შეწყვეტის რეჟიმის დარღვევა გააგრძელეს  – „სხვადასხვა კალიბრის ნაღმმტყორცნებით, გამყოფი ზოლის სამხრეთის მიმართულებით დაახლოებით 20:20,  და გამოიყენეს ზალპური ცეცხლის რეაქტიული სისტემები(РСЗО) TR-107“.

განცხადებაში ასევე ნათვამია, რომ გასული წლის აპრილში დაძაბულობის ესკალაციის შემდეგ ეს პირველი შემთხვევაა, როდესაც აზერბაიჯანი ამგვარ იარაღს იყენებს.

სომხეთის მედია მთიანი ყარაბაღის თავდაცვითი უწყებიდან გადმობეჭდილ  განცხადებას აქვეყნებს: „არცახის რესპუბლიკის თავდაცვის სამინისტრო  შესაბამისი საერთაშორისო ორგანიზაციების ყურადღებას მომხდარისკენ მიაპყრობს და აზერბაიჯანის მხარეს აფრთხილებს, რომ პასუხი არათანაბარზომიერი იქნება“.

ინფორმაცია აზერბაიჯანიდან

აზერბაიჯანის თავდაცვის სამინისტრო იუწყება, რომ გულიევა საჰიბა და გულიევა ზაჰრა  –  ფიზულის რაიონის სოფელ ალხანლის მაცხოვრებლები დღეს საღამოს 82მმ-ის და 120მმ-ის კალიბრის ნაღმმტყორცნებიდან, ასევე ნაღმმტყორცნი დანადგარებიდან დაბომბვის შედეგად დაიღუპნენ. კიდევ ერთი ქალი – გულიევა სარვინაზი ჭურვის ნამსხვრევით არის დაჭრილი.

“აზერბაიჯანის სამხედრო ძალების ადეკვატური საპასუხო მოქმედებების შედეგად მოწინააღმდეგის მიერ გახსნილი ცეცხლი ჩაიხშო. სისხლიანი პროვოკაციის მოწყობის პასუხიმგებლობა მთლიანად სომხეთის სამხედრო-პოლიტიკურ ხელმძღვანელობას ეკისრება“, – განაცხადა აზერბაიჯანის თავდაცვის სამინისტრომ.

ტერმინები, ტოპონიმები და იდეები აუცილებელი არ არის, რომ JAMnews-ისა და მისი ცალკეული თანამშრომლების შეხედულებებსა და მოსაზრებებს ემთხვეოდეს. JAMnews უფლებას იტოვებს, წაშალოს პუბლიკაციების ისეთი კომენტარები, რომლებიც შერაცხმყოფელად, მუქარისა და ძალადობის მოწოდების შემცველად იქნება მიჩნეული, ანდა ეთნიკური ან რაიმე სხვა მიზეზით მიუღებელი აღმოჩნდება.