ქვიშის ნამუშევრები, ერევნული სტილი
ამ ნამუშევრების ავტორი, არმენ მხოიანი, ერევნელია, 26 წლის. მის პროფესიას ასეც ეწოდება: ქვიშაზე მხატვარი.
“ქვიშაზე ხატვას ძლიერი დამამშვიდებელი ეფექტი აქვს. როცა ვხატავ ისეთივე შეგრძნებები მეუფლება, როგორიც ზღვის სანაპიროზე ცხელ ქვიშაში თამაშისას.
ბევრი ფიქრობს, რომ გამოსახულებას თითებით ხატვისას ვიღებ. სინამდვილეში ქვიშაზე გამოსახულების მიღება მხოლოდ ორი მეთოდითაა შესაძლებელი: თეთრ ზედაპირზე ქვიშის მიმობნევით ან უკვე უკვე დაყრილი ქვიშის გადაწმენდით.
სურათები არ ინახება, თუმცა არიან სპეციალისტები, რომლებიც ქვიშაზე მიღებულ გამოსახულებას აფიქსირებენ. თუმცა მას არაფერი აქვს საერთო კლასიკურ sand art- თან. ეს ეხება ფერად ქვიშასაც”.
