ქართველმა ახალგაზრდებმა რუსეთის ოკუპაცია გააპროტესტეს

ფოტო: On.ge

ქართველმა სტუდენტებმა ცხინვალის რეგიონის საოკუპაციო ხაზთან პროტესტის ნიშნად ჯერ ცოცხალი ჯაჭვი შეკრეს, შემდეგ კი ღამე გაათიეს.

“არა ოკუპაციას”, “რუსეთი ოკუპანტია”, “ჩვენი მიწა ჩვენი პასუხისმგებლობაა”, “Stop Russia” – ამ ლოზუნგებით ახალგაზრდები საოკუპაციო ხაზთან რუსეთის საოკუპაციო ჯარების ქმედებებს აპროტესტებდნენ.

როგორც ცნობილია, რუსმა ჯარისკაცებმა ე.წ. საზღვრის აღმნიშვნელი ბანერი უკანონოდ განათავსეს სოფელ ბერშუეთთან გორის მუნიციპალიტეტში 3 ივლისს. შედეგად საქართველოს კონტროლს მიღმა დაახლოებით 10 ჰექტარი მიწა აღმოჩნდა, რომელიც რამდენიმე გლეხის კერძო საკუთრებას წარმოადგენს.

საპროტესტო აქცია სტუდენტებმა 8 ივლისს საოკუპაციო ხაზიდან მოშორებით გამართეს, აღმართეს საქართველოს ეროვნული დროშა და ქვეყნის ეროვნული ჰიმნი იმღერეს.

საპროტესტო აქცია სოციალურ ქსელ ფეისბუქში დაიგეგმა და მიზნად ისახავს საქართველოს ტერიტორიაზე რუსეთის უკანონო ქმედებების, მცოცავი ოკუპაციის შესახებ ინფორმაციის გავრცელებას.

ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო