ფილმს საბჭოთა თბილისდან გაქცევის მცდელობის შესახებ ამერიკელი მაყურებელი იხილავს

ერთ-ერთმა უმსხვილესმა ამერიკულმა საკაბელო ტელეარხმა HBO-მ რეზო გიგინეიშვილის ფილმის „მძევლების“ ჩვენების უფლება შეისყიდა.

HBO-ს აუდიტორია 40 მილიონზე მეტი ხელმომწერისგან შედგება. არხი სპეციალიზებულია სერიალებზე – „სამეფო კარის თამაშები“, „სექსი დიდ ქალაქში“, და HBO-ს საკუთარი პროდუქცია – „ახალგაზრდა მამა“.

ამის შესხებ სააგენტო „რია ნოვოსტი“ იუწყება.

ფილმი „მძევლები“ პირველად 2017 წლის თებერვალში უჩვენეს ბერლინის კინოფესტივალზე. მოგვიანებით მან ფესტივალ „კინოტავრზე“საუკეთესო რეჟისურისთვის მიიღო პრიზი. რუსეთის კინოგაქირავებაში ფილმი სექტემბერში გამოვა.

„მძევლები“ 1983 წლის ნოემბრის მოვლენების შესახებ მოგვითხრობს. მაშინ ახალგაზრდების ჯგუფმა თბილისიდან აფრენილი თვითმფრინავი გაიტაცა, იმ იმედით, რომ ამ გზით საბჭოთა კავშირიდან თურქეთში გაქცევას შეძლებდნენ. შეიარღებულმა ქალებმა და კაცებმა ბორტზე მყოფი რამდენიმე ადამიანი მოკლეს. პილოტმა მათთვის შეიარაღებული წინააღმდეგობის გაწევა და თვითმფრინავის დასმა შეძლო, რის შემდეგაც სპეც-სამსახურმა ტერორისტები აიყვანა.

გატაცების მცდელობაში მონაწილე ოთხივე მამაკაცს დახვრეტა მიესაჯა, ქალებს კი – 14 წლიანი პატიმრობა.

“მძევლები” დრამაა. დრამა კათარზისის გარეშე. ვინ არის აქ სინამდვილეში მძევალი? ის, ვინც თუნდაც ძალადობრივი გზით ცდილობს მარწუხებიდან თავის დაღწევას თუ ის მშვიდობიანი მოქალაქე, ვინც მძევლად აყვანილი აღმოჩნდა თვითმფრინავში?