უზენაესი სასამართლოს დიდი კოლეგია “რუსთავი-2”-ის საქმეს განიხილავს
საქართველოს უზენაესი სასამართლოს დიდი კოლეგია დღეს “რუსთავი-2”-ის საქმეს განიხილავს. განხილვა ზეპირი მოსმენის გარეშე მიმდინარეობს განიხილება და მხარეთა წარმომადგენლები მას არ ეწსრებიან. როდის გამოაცხადებს სასამართლო გადაწყვეტილებას, უცნობია.
პარალელურად, უზენაესი სასამათლოს წინ “რუსთავი-2”-ის მხარდამჭერი აქცია მიმდინარეობს, რომლის მონაწილეებიც – ჟურნალისტები, პოლიტიკური პარტიებისა და საზოგადოების წარმომადგენლები, ხელისუფლებას სიტყვის თავისუფლების ხელყოფაში ადანაშაულებენ და მოსამართლეებს მოუწოდებენ, მთავრობის დაკვეთა არ შეასრულონ.
ტელეკომპანია “რუსთავი 2”- თან დაკავშირებული დავა, უკვე მეორე წელია, გრძელდება. ტელეკომპანიის ყოფილი მეპატრონე ქიბარ ხალვაში “რუსთავი 2”-ის მის მფლობელობაში დაბრუნებას ითხოვს და აცხადებს, რომ ტელეკომპანია მას წინა ხელისუფლებამ იძულებით ჩამოართვა.
ივნისში გამართულ სასამართლო პროცესზე სააპელაციო სასამართლომ თბილისის საქალაქო სასამართლოს გადაწყვეტილება ძალაში დატოვა და “რუსთავი-2” ქიბარ ხალვაშის მიაკუთვნა, თუმცა ტელეკომპანიის ადვოკატებმა გადაწყვეტილება უზენაეს სასამართლოში გაასაჩივრეს.
