ტრამპმა საზღვარზე კედლის აგების ბრძანებას მოაწერა ხელი

აშშ-ს პრეზიდენტმა დონალდ ტრამპმა ხელი მოაწერა მექსიკის საზღვარზე კედლის აგების ბრძანებას. ეს მისი პირველი ნაბიჯია მისი წინასაარჩევნო დაპირებების შესრულების გზაზე, რომლებიც არალეგალურ მიგრაციას ეხება.

ტრამპი ძველებურად ირწმუნება, რომ ამ კედლის საფასურს მექსიკა გადაიხდის. ABC News -თან ინტერვიუში ტრამპმა განაცხადა, რომ მექსიკა „აბსოლუტურად, 100%-ით“ აუნაზღაურებს აშშ-ს კედლის ღირებულებას.

„ჩვენ ამ მოლაპარაკებებს საკმაოდ სწრაფად დავიწყებთ. და  – რაიმენაირი ფორმით – ხარჯებს მექსიკა აგვინაზღაურებს“, – განაცხადა ტრამპმა.

„ის, რასაც ვაკეთებ,  შეერთებული შტატების სასარგებლოდ ხდება“, – დასძინა მან და მიუთითა, რომ საზღვარზე „ფიზიკურად გადაულახავი“ წინაღობის აგება მილიარდობით დოლარს დაზოგავს და უამრავ სიცოცხლეს გადაარჩენს, რადგან ბოლოს მოუღებს ტრანსსასაზღვრო ორგანიზებულ დანაშაულს.

როგორც ВВС იუწყება, ბრძანება, სხვა ყელაფერთან ერთად, ითვალისწინებს საზღვრის კონტროლის სფეროში10 ათასი ახალი სამუშაო ადგილის შექმნას. ტრამპის თქმით, მისი გეგმა მექსიკისთვისაც სასარგებლო იქნება.

შინაგანი უსაფრთხოების სამინისტროს თანამშრომლებისადმი მიმართვის დროს პრეზიდენტმა განაცხადა, რომ ეს კედელი აშშ-ში არალეგალური მიგრანტებისა და მთელი სამხრეთი ამერიკიდან ნარკოკარტელების შეღწევას აღკვეთს.

სასაზღვრო ბარიერის აღმართვა ახლა კონგრესმა უნდა მოიწონოს.

მექიკის პრეზიდენტმა  ენრიკე პენია ნიეტომ ა აშშ-ს პრეზიდენტის გადაწყვეტილება გადმო და განაცხადა, რომ მექსიკა ამაში ფულს არ გადაიხდის. მან ისიც აღნიშნა, რომ მექსიკის ხელისუფლება ყველაფერს იღონებს აშშ-ს ტერიტორიაზე მისი მოქალაქეების უფლებების დასაცავად.

ტრამპმა ასევე ხალი მოაწერა დირექტივას უსაფრთხოების ზომების გასამტკიცებლად. გარდა ამისა, მან გასცა ბრძანება იმ ქალაქებისთვის დაფინანსების შემცირების თაობაზე, რომლებშიც არალეგალურ მიგრანტებს იფარებენ.

მოსალოდნელია, რომ უახლოეს დღეებში ტრამპი აშშ-ში დევნილთა მიღების დროებითი აკრძალვის შემოღების, ასევე – სირიის, იემენის, ერაყის, ახლო აღმოსავლეთისა და აფრიკის კიდევ რამდენიმე ქვეყნის მოქალაქეებისთვის ვიზების გაცემის შეჩერების შესახებ განაცხადებს.

როგორც Reuters ორ მაღალჩინოსანზე დაყრდნობით იუწყება, რომელთა ვინაობას არ ასახელებს, ტრამპი ასევე ტერორიზმში ეჭვმიტანილთათვის უცხო ქვეყნებში საიდუმლო ციხეების პრაქტიკის აღდგენას განიხილავს.