სომხეთის პრემიერ-მინისტრი ამბობს, რომ ქვეყანას ღარიბების სასარგებლო რეფორმები სჭირდება

სომხეთის პრემიერ-მინისტრმა კარენ კარაპეტიანმა განაცხადა, რომ საქმიანობის ყველა სფეროში ეფექტურობის პრობლემა დგას, და არსებული ბიუჯეტის მეტი ეფექტიანობით  გამოსაყენებლად აუცილებელია კონკრეტული რეფორმების გატარება:

„სახელმწიფომ ერთმნიშვნელოვნად უნდა ითავოს სოციალურად დაუცველთა დაცვა. ჩვენ სერიოზული რეფორმები გვაქვს დაგეგმილი სოციალურ და ჯანდაცვის სფეროებში… ჩვენ ადამიანების წინაშე არსებულ ყველა სოციალურ პრობლემას ვერ ვჭრით, მაგრამ თუნდაც ამ შეზღუდულ ვითრებაშიც კი პრობლემები გვაქვს არაეფექტურ დანახარჯებთან დაკავშირებით. ზოგჯერ კი ადრესატებსაც შეცდომით ვირჩევთ“.

პრემიერ-მინისტრის აზრით, სისტემური რეფორმების შემდეგ იმავე ბიუჯეტით შესაძლებელია გაცილებით ეფექტური მომსახურების შეთავაზება და ადრესატთა წრის 20-30-ჯერ გაფართოება.

სომხეთის პრემიერ-მინისტრმა ეს განცხადებები მომავალი საპარლამენტო არჩევნების წინასაარჩევნო კამპანიის ფარგლებში, ერევნის ოლქ ავანის მაცხოვრებლებთან შეხვდრის დროს გააკეთა. ის რეპუბლიკური პარტიის პროგრამას მიიჩნევს სრულფასოვნად, ამბიციურად და რეალისტურად, ასევე შემდეგ კითხვებზე პასუხადაც: “სად და რა პრობლემები გვაქვს, რის მიღწევა გვინდა, ვინ და რა უნდა გააკეთოს ამისთვის?“

ანალიტიკოსები აღნიშნავენ, რომ ამჯერად წინასაარჩევნო რბოლაში დიდ როლს ასრულებს პარტიის შესაძლებლობები, მათ შორის ფინანსური, და არა იდეოლოგია.

წინასაარჩევნო აგიტაცია სომხეთში 5 მარტს დაიწყო. პრემიერ-მინისტრი, რომელიც სომხეთის რესპუბლიკური პარტიის წევრია, აქტიურად მონაწილეობს წინასაარჩევნო ღონისძიებებში.