სომხეთის პრემიერ-მინისტრი: დამტკიცებულია 3,2 მილიარდი დოლარის საინვესტიციო პროგრამები

სომხეთის პრემიერ-მინისტრმა კარენ კარაპეტიანმა  განაცხადა, რომ დღეისთვის დამტკიცებულია 3,2 მილიარდი დოლარის საინვესტიციო პროგრამები. არსებობს ამ პროგრამებს  დაფინანსების კონკრეტული წყაროები, დასახულია შედეგები, და ამ პროექტების ფარგლებში შეიქმნება სამუშაო ადგილები. „ამ თანხიდან 830-850 მილიონის  ინვესტირება დაგეგმილია 2017 წელს. ახლა ხელისუფლებაში ასევე განიხილება 5,3 მილიარდის ღირებულების პროგრამების განხორციელება. ეს არის გააზრებული პროექტები, რომლებიც შესაძლებელია, რომ ბიზნესივით ამოქმედდეს, შექმნას დამატებითი ღირებულება და სამუშაო ადგილები“, – თქვა პრემიერმა.

კარაპეტიანი ამის შესახებ ეჩმიაძინში ლაპარაკობდა. სომხეთში მომავალი საპარლამენტო არჩევნების წინასაარჩევნო კამპანია დაიწყო, და პრემიერი ეჩმიაძინის ამომრჩევლებს ხვდებოდა. მან აღნიშნა, რომ უშუალოდ არმავირის რაიონში (ეჩმიაძინი ამ რაიონში მდებარეობს) 85 მილიონი დოლარის საინვესტიიციო პროგრამების განხორციელება იგეგმება. ამ პროექტების წყალობით 3500 სამუშაო ადგილი შეიქმნება.

ამასთან ერთად მიმდინარეობს მოლაპარაკებები საინვსტიციო პროგრამასთან დაკავშირებით, რომელიც 6,5 მილიონი დოლარის ოდენობის გრძელვადიან ინვესტიციებს ითვალისწინებს.

კარაპეტიანმა აღნიშნა, რომ 2017 წელი უნდა იქცეს დიაგნოსტიკის, სახელმწიფო სისტემის მართვის რეფორმირებისა და სტაბილიზაციის  წლად.

„თუ ჩვენ ამას გავაკეთებთ, და აუცილებლად გავაკეთებთ, მაშინ 2018 წლიდან სრულიად განსაზღვრული, უწყვეტი, რეგულარული და სტაბილური ზრდა გვაქნება. ეს იმას არ ნიშნავს, რომ მიზნად არ ვისახავთ 2017 წლისთვის ზრდის უზრუნელყოფას, მაგრამ რეალისტები უნდა ვიყოთ. და სწორედ ეს რეალისტური მიდგომა დაედო საფუძვლად 2017 წლის ბიუჯეტს“, – განმარტა კარაპეტიანმა.