საქართველოში იანვარში სურსათი რეკორდულად გაძვირდა

სტატისტიკის ეროვნული სამსახურის ინფორმაციით, 2017 წლის იანვარში საქართველოში ინფლაციის დონემ წინა თვესთან შედარებით 2,9 პროცენტი შეადგინა. წინა წლის შესაბამის თვესთან შედარებით, სამომხმარებლო ფასების ინდექსი 3.9%-ით გაიზარდა, რაც მაქსიმალურია ბოლო წლების განმავლობაში. ხოლო 2010 წლის საშუალოსთან შედარებით ფასების ინდექსი  22.5%-ით გაიზარდა.

ყველაზე მეტად ფასები მომატებულია სურსათსა და უალკოჰოლო სასმელებზე –  4,2 %-ით. მათ შორის:

• ბოსტნეულისა და ბაღჩეულის ფასები გაიზარდა (22,4 პროცენტი)

• ხილისა და ყურძნის (8,9 პროცენტი)

• რძის, ყველისა და კვერცხის (3,1 პროცენტი)

• ზეთისა და ცხიმის (3,1 პროცენტი)

• თევზეულის (2,8 პროცენტი)

• ხორცისა და ხორცის პროდუქტების (2,5 პროცენტი)

წინა თვესთან (დეკემბერთან) შედარებით, იანვარში ყველაზე მეტად ტრანსპორტი გაძვირდა.

• ტრანსპორტის ჯგუფზე ფასები გაიზარდა 7,2 პროცენტით და ჯგუფის წვლილმა ინფლაციის მთლიან მაჩვენებელში 0,94 პროცენტული პუნქტი შეადგინა

• პირადი სატრანსპორტო საშუალებების ექსპლუატაციაზე (10,1 პროცენტი)

• სატრანსპორტო საშუალებების შეძენაზე (4,9 პროცენტი).

საქსტატის მონაცემებით, 6.2%-ით გაძვირდა ალკოჰოლური სასმელები და თამბაქო, ხოლო  ტანსაცმელი და ფეხსაცმელი 1.4%-ით გაიაფდა.