საფრანგეთის ახალი პრეზიდენტი ემანუელ მაკრონია

საფრანგეთის საპრეზიდენტო არჩევნებში 7 მაისს პროევროპელმა ცენტრისტმა ემანუელ მაკრონიმ გაიმარჯვა. მან საკმაოდ დაძაბულ ბრძოლაში დაამარცხა მემარჯვენე ნაციონალური მოძრაობის ლიდერი მარინ ლე პენი, რომელიც საფრანგეთის ევროკავშირიდან გამოსვლას უჭერდა მხარს.

მაკრონის მხარი ამომრჩეველთა 66-მა პროცენტმა დაუჭირა, თუმცა საკმაოდ მაღალი იყო ლე პენის მხარდამჭერთა რაოდენობაც – 34 პროცენტი.

მაკრონი საფრანგეთის ეკონომიკის ყოფილი მინისტრია, რომელმაც 2016 წლის აპრილში დააფუძნა სახალხო მოძრაობა და 4 თვით ადრე დატოვა პრეზიდენტ ფრანცისკო ოლანდის კაბინეტი. მან მოახერხა საკმაოდ დიდი რაოდენობით აქტივისტების ორგანიზება, რომლებიც არა მხოლოდ არიგებდნენ ფლაერებს, არამედ მათ ჩაატარეს 25 ათასი სიღრმისეული ინტერვიუ ქვეყნის მასშტაბით.

მაკრონი მოსახლეობას ჰპირდებოდა გადასახადების შემცირებას, ინვესტიციების მოზიდვას გარემოს დაცვისა და ციფრული ინოვაციების მიმართულებით, ასევე ის საუბრობდა სამუშაო ბაზრის გაუმჯობესებაზე, ევროკავშირის საზღვრის გაძლიერებასა და 10 000 პოლიციის ოფიცრის დამატებაზე. ასევე მის წინასაარჩევნო დაპირებებში მაკრონი ყურადღებას ამახვილებდა ევროზონისათვის დამოუკიდებელი ბიუჯეტის, ფინანსთა სამინისტროს და პარლამენტის შექმნაზე. ბრექსითთან დაკავშირებული მოლაპარაკებების წარმოებას და თავისუფალი სავაჭრო ზონის წახალისებას.