სააკაშვილი უკრაინაში ხელისუფლების შეცვლას აპირებს
ეს ვიდეო რამდენიმე წუთის განმავლობაში მოგვითხრობს მიხეილ სააკაშვილის უკრაინაში ოდესის ოლქის ხელმძღვანელად მუშაობის წელიწადნახევრის ამბავს. 8 ნოემბერს მან თნამდებობა დატოვა და სკნდალურ პრესკონფერენციაზე განაცხადა, რომ მომავალშიც გააგრძელებს უკერაინაში კორუფციის წინააღმდეგ ბრძოლას.
“ჩვენ ვიწყებთ უკრაინაში ხელისუფლების კარდინალურად შეცვლას” – ასეთი ლოზუნგით დაიწყეს მიხელი სააკაშვილმა და მისმა უკრაინელმა მომხრეებმა ახალი პარტიის “ახალი ძალების პლატფორმა” შექმნის პროცესი.
27 ნოემბერს კიევში გამოცხადებულია ამ ახლი მოძრაობის ღია საბჭოს სხდომის გახსნა. მონაწილეობის მისაღებად უკრაინის ყველა მცხოვრები მიიწვიეს – აქტივისტები მთელი კვირის განმავლობაში არიგებდნენ კიევის ქუჩებში წითელ ფურცლებს “რუხანოვი ხსილის” შესახებ ინფორმაციით და შეხვედრაზე მიწვევის თხოვნით.
დაწვრილებით იმის შესახებ, თუ როგორ აპირებს ახალი პარტია უკრაინის ხელისუფლებაში ახალი ადამიანების მიყვანას, სააკაშვილმა საზოგადოებას საკუთარი ფეისბუკ გვერდიდან, პირდაპირი ეთერით უამბო
“ბევრი ადამიანი გვთავაზობდა მათი უკვე არსებული პარტიებისთვის სახელის გადარქმევას – გულით უნდათ, რო დაგვეხმარონ. მაგრამ, ჩვენ ამ გზით სიარული არ გვინდა. ვფიქრობ, მაინც მივღწევთ პოლიტიკურ ძალად რეგისტრირებასაც და მომავალ განვითრებასაც”, – უთხრა ინტერვიუში “ინტერფაქს-უკრაინას” “ახალი ძალების პლატფორმის” ერთ-ერთმა ლიდერმა დავით საყვარელიძემ
ნოემბრის დასაწყისში საყვარელიძემ უკრაინის გენერალური პროკურორის თანამდებობა დატოვა. მიხეილ სააკაშვილმა ეს გადადგომა ასე შეაფასა:
“ახლა კორუფციონერებს და ყველა ჯურის ნაძირლებს შეუძლიათ გამარჯვება იზეიმონ”.
მანამდე საყვარელიძე ოდესის ოლქის პროკურორი იყო(დაწვრილებით იხ. ქვემოთ)
“ახალი ძალების პლატფორმის” დამაარსებლებს სურთ, თავიანთი პარტია იუსტიციის სამინისტროში დაარეგისტრირონ, და არა უკვე არსებულ პარტიას დაარქვან ეს სახელი”, – თქვა საყვარელიძემ და აღნიშნა, რომ უკრაინის მრავალი პრგრესული პოლიტიკური ძალა მიწვეულია ახლა პარტიაში შესასვლელად ან მასთან სათანამშრომლოდ”.
JAMnews-ის ცნობარი
სააკაშვილის გუნდი უკრაინაში
* პოლიციის გენერალი გიორგი ლორთქიფანიძე იყო საქართველოს შშ-ს მინისტრის მოადგილე მიხეილ სააკაშვილის პრეზიდენტობის დროს. 2015 წლის ივნისში უკრაინის პრეზიდნეტმა პოროშენკომ ლორთქიფანიძეს უკრაინის მოქალაქეობა მიანიჭა როგორც “უკრაინისთვის სახელმწიფო ინტერესის მქონე პირს”. 2015 წლის ივნისშივე ლორთქიფანიძე ოდესის შინაგან საქმეთა საოლქო სამმართველოს ხელმძღვანელი გახდა. მომდევნო წელიწადნახევის განმავლობაში ის ოდესაში სააკაშვილის პოლიტიკის მხარდამჭერი იყო.
2016 წლის 7 ნოემბერს ლორთქიფანიძემ დაკავებული თანამდებობიდან თავის გადადგომის შესახებ განაცხადა, იმ საბაბით, რომ პოლიციაში არსებულ სიტუაციაში მუშაობა აღარ შეუძლია. ერთ-ერთ მიზეზად ლორთქიფანიძემ დაასახელა საატესტაციო კომისიის (რომელიც ოდესაში პოლიციელების არჩვდა) გადაწყვეტილება პოლიციის 400 თანამშრომლის გათავისუფლების შესახებ იმ დროს, როდესაც თანამშრომელთა ნაკლებობა ათასზე მეტს უტოლდება.
*დავით საყვარელიძე 2008 წელს დაინიშნა საქართველოს გენპროკურორის მოადგილედ. 2012 წელს – საქართველოს პარლამენტის დეპუტატია პარტია “ნაციონალური მოძრაობიდან”. 2015 წელს მიიღო უკრაინის მოქალაქეობა და დაინიშნა უკრაინის გენპროკურორის მოადგილედ . 2015 წლის სექტემბრიდან – ოდესის ოლქის გენპროკურორი. უკრაინის ერთადერთი გენპროკურორი, რომელიც ერთდროულად ხელმძღვანელიც იყო და ხელქვეითიც – გენპროკურორის მოადგილე და რეგიონის პროკურორი.
2016 წლის მარტში გენპროკურორმა ვიკტორ შოკინმა დავით საყვარელიძე ყველა დაკავებული თანამდებობიდან გაათავისუფლა და დისციპლინური პასუხისმგებლობა დააკისრა მას “პროკურორის ეთიკის უხეში დარღვევისა და პროკურორის მოვალეობათა არასათანადო შესრულებისთვის”. ამ ბრძანების შემდეგ შოკინმა გადადგომის შესახებ განაცხადა.
ოდესაში სხვა პროკურორი დაინიშნა. ამ მოვლენების შემდეგ ოდესის პროკურატურის ფანჯრების ქვეშ თითქმის ნახევარი წლის განმავლობაში იმართებოდა “ანტიკორუფციული მაიდანი”. ახალი პროკურორი გადადგა, მაიდანი დასრულდა, საყვარელიძემ ახალი პოლიტიკური პარტიის შექმნის შესახებ განაცხადა.
*ეკონომისტი ალქსანდრ ბოროვიკი. 2015წლიდან უკრაინის ეკონომიკის მინისტრის პირველ მოადგილედ მუშაობდა. 2015 წლის მაისში, პრემიერმინისტრ არსენი იაცენიუკთან კონფლიქტის გამო, გადადგა და ოდესის საოლქო ადმინისტრაციაში სააკაშვილთან ვიცე-გუბერნატორი გახდა.
2015 წელს სააკაშვილის მხარდაჭერით კენჭს იყრიდა ოდესის მერის პოსტზე “პიოტრ პოროშენკოს ბლოკიდან”. არჩევნებში დამარცხების, თუმცა საქალაქო დეპუტატად არჩევის შემდეგ ბოროვიკის 2016 წელს გადადგა – იმ კანონის ძალაში შესვლის შემდეგ, რომლის მიხედვით, უკრაინის სახელმწიფო მოხელეს შეიძლებოდა მხოლოდ ერთი – უკრაინული მოქალაქეობა ჰქონოდა.
ბოროვიკი, რომელსაც არ სურდა გერმანულ პასპორტზე უარის თქმა, “მიხეილ სააკაშვილის მრჩეველი” გახდა საზოგადოებრივ საწყისებზე, თუმცა ის სრულიად გაქრა საინფორმაციო ველიდან.
*მარია გაიდარი. 2015 წლის ივლისში სააკაშვილმა საგანგებო საკითხებში ოდესის ოლქის ვიცე-გუბერნატორად მიიწვია რუსეთის მოქალაქე, რუსი რეფორმატორის ეგორ გაიდარის ქალიშვილი, მარია გაიდარი. იმავე წლის აგვისტოში უკრაინის პრეზიდენტმა პიოტრ პოროშენკომ მარია გაიდარს მოქალაქეობა გადასცა, იმ პირობით, რომ მას საზღვარგარეთულ პასპორტზე უარი უნდა ეთქვა.
რამდენიმე ხანში მარიამ აცნობა მედიას, რომ დაწერა განცხადება რუსეთის მოქალაქეობაზე უარის სათქმელად. 2015 წლის ოქტომბრის არჩევნებზე გაიდარი ოდესის საოლქო საბჭოს დეპუტატი გახდა, მოგვიანებით კი დეპუტატის თანამდებობას გუბერნატორის მოადგილეობასაც უთავსებდა.
2016 წლის მაისში, სახელმწიფო მოხელეების შესახებ კანონის ძალაში შესვლის შემდეგ, რომლის მიხედვითაც, უკრაინის სახელმწიფო მოხელეს მხოლოდ ერთი, უკრაინული მოქალაქეობა უნდა ჰქონოდა, გაიდარმა დაწერა განცხადება ოდესის ვიცეგუბერნატორის თანამდებობიდან გადადგომის თაობაზე, და თქვა, რომ სააკაშვილის მრჩევლად გააგრძელებს მუშაობას. 2016 წლის ზაფხულიდან გაიდარი გაქრა ოდესის საინფორმაციო ველიდან.
პუბლიკაციაში WHO IS Mr. სააკაშვილი ოდესაში – JAMnews-მა დაწვრილებით მოგვითხრო მიხეილ სააკაშვილის სახელთან დაკავშირებულ პოლიტიკურ პერიპეტიებზე.
გამოქვეყნებულია:28.11.2016
