რუსებს აშშ-ში შესვლას რადიკალურად უზღუდავენ

აშშ -მა რუსეთის იმ ქმედებებზე მიღებული საპასუხო ზომების შესახებ განაცხადა, რაც ამ ქვეყნის ტერიტორიაზე ამერიკული დიპლომატიური წარმომადგენობების პერსონალის 755 ადამიანით შეცირებას გულისხმობს.

23 აგვისტოდან რუსეთის ფედერაციის მოქალაქეებისთვის არაემიგრაციული ვიზების გაცემა მთლიანად წყდება. ის 1 სექტემბერს განახლდება, თუმცა, რადიკალურად შემცირებული მოცულობით. რუსებს აშშ-ის ვიზების მიღება მხოლოდ მოსკოვში შეეძლებათ. გენერალური საკონსულოები სანკტ-პეტერბურგში, ეკატერინბურგსა და ვლადივოსტოკში ამით დაკავებულები აღარ იქნებიან.

როგორც რუსულ რაიდიოკომპანია „ეხო მოსკვის“ „რუსეთის ტურინდუსტრიის კავშირში“ აცნობეს, ვიზების გაფორმების ვადა შესაძლოა, ნახევარ წლამდე გაიზარდოს, ხოლო აშშ-ის რეისები შორეული აღმოსავლეთიდან იმ მგზავრების უმეტესობას დაკარგავს, ვისაც ვიზებისთვის მოსკოვში ჩასვლა არ მოუნდება.

საგარეო საქმეთა მინისტრმა სერგეი ლავროვმა პრეს-კონფერენციაზე განაცხადა, რომ რუსეთი შეისწავლის აშშ-ის მიერ მიღებულ ზომებს, მაგრამ „ამ ქვეყნის მოქალაქეებზე ჯავრს არ იყრის“. მან აღნიშნა, რომ აშშ-ის გადაწყვეტილება – ეს ბარაკ ობამას მოღვაწეობის ინერციია, და ეს ყველაფერი ფერადი რევოლუციების ორგანიზების კალაპოტშია.