როგორ იყოფდნენ „ევროვიზიაზე“ ყარაბაღს

ევროვიზია 2016-ის ნახევარფინალამდე რამდენიმე დღით ადრე აზერბაიჯანული მედია სიხარულით იუწყებოდა, რომ სასიმღერო კონკურსზე მთიანი ყარაბაღის არაღიარებული რესპუბლიკის დროშა აკრძალულ სიმბოლოთა ნუსხაში მოხვდა.

ევროვიზიაზე აკრძალული სიმბოლოების შესახებ სპეციალური დოკუმენტი  Globe Arena-ს ვებგვერდზე და ბილეთების გაყიდვის სააგენტო AXS-ის ინტერნეტრესურსზე გამოქვეყნდა.

თუმცა შემდეგ ევროპის სამაუწყებლო კავშირმა (EBU) განაცხადა, რომ შეცდომა მოხდა და კონკურსზე დაწესებული შეზღუდვების კორექტირებული სია მოგვიანებით გამოქვეყნდებოდა.

აღნიშნული თემა ფართოდ გააშუქა აზერბაიჯანულმა მედია, დიდი განხილვები მოჰყვა მას სოციალურ ქსელებშიც. ‘ახლა ისინი ნამდვილად მიათრევენ იქ ამ დროშას,’ – ვარაუდობდა ერთი აზერბაიჯანელი ინტერნეტმომხმარებელი.

10 მაისს გამართულ ნახევარფინალურ კონცერტზე აზერბაიჯანის წარმომადგენელი სამრა რაჰიმლი და სომხეთის წარმომადგენელი ივეტა მუკუჩიანი გამოვიდნენ. ორივე გამოსვლა წარმატებული იყო – აზერბაიჯანიც და სომხეთიც ფინალშია. 

ფეისბუკის მომხმარებლები დიდი მონდომებით ადარებდნენ გოგონებს – მათ გარეგნობას, ჩაცმულობას, ვოლაკურ მონაცემებსა თუ სიმღერებს სკურპულოზურად განიხილავდნენ. ბევრმა აღნიშნა, რომ აზერბაიჯანელ სამრას მეტისმეტად შილიფად ეცვა.

‘ხორცისფერი ტანსაცმელი აცვია, რაც ისეთ შთაბეჭდილებას ტოვებს, თითქოს სამრა შიშველია’.

თუმცა,  მთავარ სენსაციად მაინც მთიანი ყარაბაღის რესპუბლიკის დროშა იქცა, რომელსაც სომეხი კონკურსანტი – ივეტა მუკუჩიანი კამერების წინ აფრიალებდა.

აზერბაიჯანული მედია აღშფოთებული სათაურებით აივსო:

‘მაინც ააფრიალეს!’

‘ევროვიზია 2016’-ზე სომხეთის დელეგაციამ პროვოკაციული ქმედება ჩაიდინა‘

‘სომეხ შემსრულებელს უნდა, რომ ‘ევროვიზიიდან’ გააგდონ’

აღნიშნულს ინციდენტი უწოდეს ‘ევროვიზიის’ ორგანიზატორებმაც და იგი უარყოფითად შეაფასეს.

‘ინციდენტის კომენტირებისას კონკურსის გენერალურმა პროდიუსერმა სვენ სტოჟანოვიჩმა აღნიშნა, რომ სომეხი მონაწილის მიერ ‘მთიანი ყარაბაღის რესპუბლიკის’ დროშის დარბაზში შეტანა უკანონო ქმედებაა და აღნიშნულთან დაკავშირებით ევროპის მაუწყებელთა კავშირი სათანადო გამოძიებას ჩაატარებს’, – იუწყება ინტერნეტრესურსი sputnik.az

‘ამ, რბილად რომ ვთქვათ, სადავო ტერიტორიის დროშის პირდაპირ ეთერში გამოჩენის ფაქტს სასიმღერო კონკურს ‘ევროვიზია 2016′-ის 1.2.2h წესის დარღვევად მივიჩნევთ. აღნიშნული რეგულაციის მიხედვით, შოუში იკრძალება ნებისმიერი ორგანიზაციის, დაწესებულებისა და პოლიტიკური მოსაზრების წარმოჩენა, ასევე კომპანიების, ბრენდების, საქონლისა და მომსახურების რეკლამა’, – აღნიშნულია ევროპის მაუწყებელთა კავშირის განცხადებაში.

პრესკონფერენციაზე ივეტა მუკუჩიანმა წესის დარღვევასთან დაკავშირებულ შეკითხვაზე უპასუხა, რომ გრძნობების თავისუფლად გამოხატვა სურს, და მისი სამშობლოსთვის მშვიდობა უნდა.

ამ ამბავმა სოციალური ქსელებიც ააფეთქა. ‘ევროვიზიას’ აზერბაიჯანში ყოველთვის იწვევდა პატრიოტულ სულისკვეთებას  – განსაკუთრებით კი ახლა, როდესაც ყარაბაღის ერთ დროს ‘გაყინული’ კონფლიქტი მტკივნეულ და აქტუალურ საკითხად იქცა.

ასე რომ, მალე ყველამ დაივიწყა კონკურსანტების ჩაცმულობა თუ სიმრერები და გეოპოლიტიკას ჩაუღრმავდა.

‘გთავაზობთ, სომხური დელეგაცია აზერბაიჯანულს შევუერთოთ, სათადარიგო შემადგენლობის სახით – როგორც კიდევ ერთი ავტონომიური ოლქი აზერბაიჯანის შემადგენლობაში. ყველაფერი ხომ ადრე თუ გვიან თავის საწყისს უბრუნდება’.

‘არაფერი მაქვს ამ დროშის საწინააღმდეგო, ოღონდაც – აზერბაიჯანის შემადგენლობაში’.

‘და მაინც, უნდა გავაგებინოთ ორგანიზატორებს, რომ ეს უკანონობა და პროვოკაცია იყო, და მოვითხოვოთ, რომ შემდგომში დარბაზიდან გაიტანონ’.

გარეკანის ფოტო: facebook.com/ArmeniaInEurovisionOfficial