ოსურ ენაზე პირველი მობილური აპლიკაცია გამოვიდა

ოსურ ენაზე პირველი მობლური აპლიკაცია გამოვიდა, სახელად  „ირონ ჩინიგი“, რაც „ოსურ წიგნს“ ნიშნავს. ამ აპლიკაციის ჩარტვირთვით „ნარტული თქმულებების“ მთელი ციკლის, მთლიანობაში 64 მოთხრობის, ოსურ ენაზე მოსმენა არის შესაძლებელი.

დანართი ასევე გვთავაზობს აუდიოწიგნებს, სპექტაკლებსა და ცნობილი ოსი პოეტების ლექსებს. შესაძლებელია თამაში-ვიქტორინა „ბაზონ-ბაზონში“(„გაიგე-გაიგე“) მონაწილეობაც.

აპლიკაცია  ხელმისაწვდომია სისტემა Android-ის მომხმარებლებისთვის. მისი ავტორია პროგრამისტი  ჩრდილოეთი ოსეთიდან ახსარ გაბარაევი. მისი თქმით, მან ეს აპლიკაცია იმისთვის შექმნა, რომ ოსებს მშობლიური ენის უფრო მეტად გამოყენების სტიმული მისცემოდათ.

• ოსური ენა შეტანილია 2009 წელს იუნესკოს მიერ გამოქვეყნებულ მსოფლიოს ენების ატლასში, რომლებსაც გაქრობის საფრთხე უდგათ.

• დღეს მსოფლიოში ოსურ ენაზე, სხვადასხვა მონაცემით, 500-დან 700 ათასამდე ადამიანი საუბრობს. ეს კავკასიის მთავარი ქედის ორივე ფერდობზე მცხოვრები ოსი ხალხის მშობლიური ენაა. ასევე ოსურად ლაპარაკობენ საქართელოს რამდენიმე რაიონსა და თურქეთში, სადაც სახლობენ ოსი მუხაჯირების შთამომავლები, რომლებმაც მე-19 საუკუნის მეორე ნახევარში დატოვეს ისტორიული სამშობლო.

• „გაქრობის საშიშროების წინაშე მდგომი ენების ატლასში“ შესულია კავკასიის ხალხების ბევრი სხვა ენაც, მათ შორის – აფხაზური, ინგუშური და ჩეჩნური.

ოსური ენის პრობლემების შესახებ  JAMnews-ის დაწვრილებითი აქ წერდა.