მორწმუნეებმა ბაქოს ცენტრში მეჩეთი არ ააღებინეს
ხელისუფლების მხრიდან ყოფილ სოვეტსკაიას ქუჩის მახლობლად მდებარე მეჩეთის აღების მცდელობა წარუმატებლად დასრულდა. ბაქოს ყველა განაპირა უბნიდან მოსულმა მორწმუნეებმა მეჩეთს დამცავი ალყა შემოარტყეს და მისი შენარჩუნება შეძლეს. შუადღის შემდეგ პოლიციამ და ადგილობრივი ხელისუფლების წარმომადგენლებმა ტერიტორია დატოვეს, ხოლო მორწმუნეებმა ნამაზის რიტუალი, მეჩეთის შიგნით კი არა, დემონსტრაციულად – ქუჩაში ჩაატარეს.
ჰაჯი ჯავადის მეჩეთი იმ ზონაშია, სადაც ქალაქის ინფრასტრუქტურის მასშტაბური რეკონსტრუქცია და ახალი გზების მშენებლობა მიმდინარეობს. გეგმის მიხედვით, მოცემული შენობა, რომელიც არქიტექტურული მნიშვნელობის არ არის, ასევე უნდა აიღონ.
კავკასიის მუსლიმთა სამმართველო სიტუაციას ჯერ არ გამოხმაურებია. აღმასრულებელი ხელისუფლება აცხადებს, რომ მეჩეთის აღების გეგმის თაობაზე მორწმუნეები დიდი ხნის წინათ გააფრთხილეს, და რომ ამ გადაწყვეტილებას ალტერნატივა არ გააჩნია“, –წერს სააგენტო Contact.
წინააღმდეგობის გაწევისას შენობის ათამდე აქტიური დამცველი დააკავეს.
ფოტო მოვლენის ადგილიდან
სოვეტსკაიას ქუჩის რეკონსტრუქციის პროექტზე უფრო დაწვრილებით წაიკითხეთ აქ
ფოტოს ავტორი: JAMnews-ის შტატგარეშე კორესპონდენტი აზიზ ელიჰანოღლუ (Aziz Elkhanoglu)
