მასობრივი პროტესტის შედეგები რუმინეთში - საკანდალური ბრძანებულება გაუქმებულია, იუსტიციის მინისტრს გადაყენება ელის

რუმინეთის პრემიერმა განაცხადა, რომ მზად არის გადააყენოს მთავრობის სკანდალური ბრძანებულების მხარდამჭერი  იუსტიციის მინისტრი.   ეს ბრძანებულება  მასობრივი პროტეტის მიზეზი გახდა –  ყველაზე მასშტაბურის კომუნისტი დიქტატორის ჩაუშესკუს დამხობის შემდეგ.

პრემიერ სორინ გრინდიანუს თქმით, ბრძანებულებამ, რომელიც „წვრილმანი კორუფციის დეკრიმინალიზაციას“ გულისხმობს და გასულ კვირას მინისტრთა კაბინეტმა დაამტკიცა, „რუმინელების გაყოფა გამოიწვია“, რის გამოც, იუსტიციის მინისტრმა ფლორინ იორდაკემ, შესაძლოა, უახლოეს დღეებში  თანამდებობა დატოვოს.

მიუხედავად იმისა, რომ კვირას ხელისუფლებამ საზოგადოებისთვის  აღმაშფოთებელი ბრძანებულების გაუქმების შესახებ განაცხადა, ორშაბათს ასობით ათასი დემონსტრანტი მთავრობის გადადგომას მაინც მოითხოვდა.

ბრძანებულების თანახმად, დეკრიმინალიზაციას ექვემდებარებოდა ის კორუფციული დანაშაულები, რომლებიც სახელმწიფო ხაზინას 47 800 დოლარზე ნაკლები თანხით აზარალებდა. პრემიერი სორინ გრინიადუ (სოციალ-დემოკრატიული პარტიის წევრი) ირწმუნებოდა, რომ ამ გზით ქვყნის გადავსებულ ციხეებში ადგილები გათავისუფლედებოდა. თუმცა, ბრძანებულების მოწინააღმდეგეებმა მიიჩნიეს, რომ ეს საშუალებას მისცემს კორუმპირებულ ჩინოვნიკებს, სასჯელს თავი აარიდონ და პროვოცირებას გაუწევს თანამდებობრივი დანაშაულების ჩადენას.

ბრძანებულების მიღების შემდეგ რუმინეთის ქალაქების ქუჩებში 500 ათასზე მეტი ადამიანი გამოვიდა. ზოგ ადგილას დემონსტრანტებსა და პოლიციას შორის შეხლა-შემოხლა მოხდა.

კორუფციის აღქმის ინდექსში, რომელსაც ყოველწლიურად საერთაშორისო არასამთავრობო ორგანიზაცია Transparency International ადგენს , რუმინეთს 176-დან 57-ე ადგილი უკავია. ეს ერთ-ერთი ყველაზე ცუდი მაჩვენებელშია ევროკავშირის ქვეყნებს შორის.