ლონდონში ტერაქტი ბრიტანეთის მოქალაქემ ჩაიდინა

ტერორისტი, რომელმაც გუშინ ლონდონში თავდასხმა მოახდინა, ბრიტანეთის მოქალაქე ჰალიდ მასუდი იყო. ის მარტო მოქმედებდა. პოლიცია ახალი შეტევების სამზადისის შესახებ მონაცემებს არ ფლობს. ამის შესახებ პარლამენტში გამოსვლისას პრემიერ-მინისტრმა ტერეზა მეიმ განაცხადა. მისი თქმით, ტერორისტი რადიკალი ისლამისტი იყო. რამდენიმე წლის წინათ მისით დაინტერესებული იყო ბრიტანული კონტდაზვერვა  МИ-5, რომელმაც ის თავიდან „მეორეხარისხოვან ფიგურად“ მიიჩნია.

ჰალიდ მასუდმა ისლამი 1993 წელს მიიღო.

ლონდონში 22 მარტს მომხდარი ტერაქტის შედეგად დაჭრილები არიან 11 სხვადასხვა ქვეყნის მოქალაქეები და 12 ბრიტანელი. სულ დაჭრილია 40 ადამიანი. დაღუპულია – სამი. თავად ტერორისტი მოკლულია.

უკანასკნელი 12 წლის განმავლობაში ეს დიდი ბრიტანეთის ტერიტორიაზე მომხდარი ყველაზე მასშტაბური ტერაქტია.

თავიდან ბოროტმოქმედმა ვესტმინსტერის ხიდზე მყოფ მოქალაქეებს მანქანით გადაუარა, შემდეგ  თავს დაესხა პოლიციელს, და პარლამენტში შეღწევას ცდილობდა.

მომხდარზე პასუხუსმგებლობა ტერორისტულმა დაჯგუფებამ „ისლამურმა სახელმწიფომ“ აიღო, მაგრამ საკუთარი მონაწილეობის დამადასტურებელი არაფერი წარუდგენია.

დღეს პოლიციის მიერ განხორციელებული ოპერაციის შედეგად ლონდონში, ბირმინჰემსა და ინგლისის სხვა დასახლებულ პუნქტებში ტერორისტებთან კავშირში ეჭვმიტანილი  8 ადამიანი დააპატიმრეს.