კიევში ღამით პოლიციასა და დემონსტრანტებს შორის შეტაკება მოხდა

გასულ ღამეს, კიევის ევროპის მოედანზე საპროტესტო აქციის მონაწილეებსა და პოლიციას შორის მომხდარი შეტაკების დროს სერიოზულად დაშავდა სამი პოლიციელი და პროტესტის ხუთი მონაწილე დაკავებულია.

„პოლიციელ გოგონას მოტეხილი აქვს თითები, მეორე პოლიციელს კი – ხელი. მესამეს აღენიშნება ქალა-ტვინის დახურული ტრავმა და გატეხილი აქვს ცხვირი“, – იტყობინება ეროვნული პოლიციის ხელმძღვანელი სერგეი კნიაზევი.

იმავდროულად, როგორც ტელევიზია „ჰრომადსკოე“ იტყობინება, წითელი ჯვრის ექიმებს, რომლებიც მაიდანზე მორიგეობდნენ, შეტაკების დროს დაშავებული, სულ ცოტა, ათი ადამიანის შესახებ შეატყობინეს. მათი თქმით, ერთ-ერთმა დაშავებულმა ქალა-ტვინის ტრავმა მიიღო.

19 თებერვალს კიევის ცენტრში, დამოუკიდებლობის სტელასთან გამრთული აქციის – „სახალხო ვეჩეს“ შემდეგ, კიევის მიერ არაკონტროლირებად დონბასის ტერიტორიებთან ვაჭრობის ბლოკადის მხარდასაჭერად – ღონიძიების მონაწილეები პრეზიდენტის ადმინისტრაციისკენ გაემართნენ. იქ მათ კარვის ჩადგმა სცადეს, მაგრამ მათ რეზიდენციიდან უკან დაახევინეს.

„ვეჩეს“ მონაწილეები, მათ შორის უმაღლესი რადას დეპუტატები სემიონ სემენჩენკო და ეგორ სობოლევი, ისევ შეეცადნენ ადმინისტრაციისკენ წასვლას, თუმცა პოლიციის კორდონი „ვეჩეს“ მონაწილეებს ევროპის მოედნიდან კრეშატიკზე არ უშვებდა.

იქ მოხდა შეტაკებები, რომლის დროსაც რამდენიმე სამხედროფორმიანი ადამიანი დააკავეს.

მოგვიანებით დაკავებულები გაათავისუფლეს და პოლიციელებზე თავდასხმის ფაქტზე სისხლის სამართლის საქმე აღიძრა.

კიევში მაიდანზე დახვრეტილი დემონსტრანტების მესამე წლისთავთან დაკავშირებით აქციები 18 თებერვლიდან მიმდინარეობს.