კანის კინოფესტივალის მთავარი ფილმები
მომავალ კვირას კანის კინოფესტივალი იწყება – უმნიშვნელოვანესი მოვლენა კინოს სამყაროში. ის 17-დან 28 მაისამდე ჩატარდება.
საფესტივალო ფილმების შერჩევის პროცესი რამდენიმე სტადიას მოიცავს. 1970-იანი წლების ბოლომდე ფილმებს ფესტიველზე ქვეყნები წარადგენდნენ. ახლა თავად ფესტივალი ირჩევს. ეს იმას ნიშნავს, რომ ჩვენების პრეტენდენტად შეიძლება იქცეს ნებისმიერი ის ფილმი, რომელიც წინაპირობებს აკმაყოფილებს.
მაშ ასე, რას და ვის ვანახავთ სულ მალე?
1.
გამხსნელი ფილმი – „ისმაელის მოჩვენებები“ („Les fantômes dʼIsmaël“/“Ismaelʼs Ghosts“), რეჟისორი არნო დეპლეშენი
ეს არის კინო – კინოს შესახებ. რეჟისორს (მატიე ამარლიკი) გადაღებებს ჩაუშლის თავისი ყოფილი შეყვარებული (მარიონ კოტიიარი), რომელიც 20 წლის წინათ გარდაიცვალა.
2.
„ახალგაზრდა გოდარი“ („Le Redoutable“/“Redoutable“), რეჟისორი მიშელ ხაზანოვიჩუსი
ტიზერი იუწყება, რომ ეს არის კომედია. რეჟისორი – სწორედ ის არის, რომელმაც ფილმი „არტისტით“ გაითქვა სახელი. ეს არის ამბავი წარსულის ერთ-ერთი ყველაზე ცნობილი ფრანგი რეჟისორის ჟან-ლიუკ გოდარის ახალგაზრდობის შესახებ. სცენარს საფუძვლად დაედო გოდარის მუზის ანა ვიაზემსკის მოგონებები.
3.
„უსიყვარულობა“, რეჟისორი ანდრეი ზვიაგინცევი
რუს რეჟისორს ზვიაგინცევს უკვე ორჯერ აქვს მიღებული კანის პრიზები. სიუჟეტის ცენტრში ოჯახური წყვილია – ჟენია და ბორისი. მათი ქორწინება იშლება, ორივეს უკვე ნაპოვნი ჰყავს ახალი პარტნიორი და მზად არიან ერთმანეთს დაშორდნენ. მაგრამ, საკუთარი თავებით დაკავებულებს სულ ავიწყდებათ თავიანთი თორმეტი წლის შვილი -ალიოშა, რომელიც მშობლების მორიგი ჩხუბის შემდეგ იკარგება.
4.
„ჰეპი ენდი“(„Happy End“), რეჟისორი მიხაელ ჰანეკე
ავსტრიელმა ვარსკვლავმა რეჟისორი მიხაელ ჰანეკემ წარმოადგინა ფილმი ევროპაში დევნილების შესახებ. ეს არის ამბავი მდიდარ ფრანგულ ოჯახზე, რომელიც მათი სახლის მახლობლად მდებარე მიგრანტების ბანაკში არსებულ ადამიანურ კატასტროფას იგნორირებას უწევს.
5.
„თვინიერი“, რეჟისორი სერგეი ლოზნიცა
უკრაინელი დოკუმენტალისტის მესამე მხატვრული ფილმი. ეს არის დღევანდელ რუსულ რელობაში გადატანილი დოსტოევსკის ცნობილი მოთხრობა. მთავარი გმირი ქალი რუსულ სოფელში ცხოვრობს. ერთხელ ის იღებს გზავნილს, რომელიც მან პატიმარ ქმარს გაუგზავნა – წარწერით „დაუბრუნდეს გამომგზავნელს“. გაოცებული ქალი ქვეყნის მეორე ბოლოში მიემგზავრება ციხეში, რომ გაარკვიოს, თუ რა ხდება. ასე იწყება ციხის ინსტიტუტთან ბრძოლის ისტორია.
6.
„საბედისერო ცთუნება („The Beguiled“), რეჟისორი სოფია კოპოლა
კრიტიკოსებმა უკვე უწოდეს ფილმს „გოთიკური კოსტუმირებული საშინელებათა ფილმი“. ეს არის 1971 წელს კლინტ ისტვუდის მონაწილეობით გადაღებული ფილმის რემეიკი ამერიკის სამოქალაქო ომზე. დაჭრილ ჩრდილოელ ჯარისკაცს სამხრეთის ტერიტორიაზე ქალთა სკოლა-ინტერნატში მალავენ. მალე სახლის მკვიდრ ქალებს სტუმარი მამაკაცის მიმართ სექსუალური ლტოლვა და ერთმანეთისადმი მეტოქეობის განცდა იპყრობს, რასაც მთელი რიგი მოულოდნელი მოვლენები მოჰყვება. თამაშობენ კოპოლას საყვარელი მსახიობები – კოლინ ფარელი, ელ ფენინგი, კრისტენ დანსტი, ნიკოლ კიდმანი.
7.
„როდენი“(„Rodin“), რეჟისორი ჟაკ დუაიონი
ფილმი დიდ მოქანდაკეზე ოგიუსტ როდენზეა (ვენსან ლინდონი). სიუჟეტი როდენის, თავის სტუდენტთან და საყვარელთან კამილ კლოდელთან (იზია იჟლენი) ურთიერთობებსაც შეეხება.
8.
„წმინდა ირემის მკვლელობა“ („The Killing of a Sacred Deer“), რეჟისორი იორგოს ლანტიმოსი
კიდევ ერთი ფილმი ნიკოლ კიდმანის და კოლინ ფარელის მონაწილეობით კანის კონკურსზე. ბერძენმა რეჟისორმა უკვე საკმარისად შეძრა საზოგადოება თავისი არასტანდარტული ფილმებით „ეშვი“ და „ლობსტერი“. ამ ფილმის სიუჟეტის შესახებ ცოტა რამ არის ცნობილი: არსებობს ქარიზმული ქირურგი სტივენი (კოლინ ფარელი) და მოზარდი, რომელსაც უნდა, რომ კაცი მისი დანგრეული ოჯახის წევრი გახდეს. როდესაც ბიჭის ქმედებები უკვე სახიფათო ხდება, სტივის იდეალური ცხოვრება ინგრევა და ის იძულებული ხდება, წარმოუდგენელი მსხვერპლი გაიღოს.
9.
„საოცრებებით აღსავსე სამყარო“ („Wonderstruck“), რეჟისორი ტოდ ჰეინსი
„ძველ დროის“ შესახებ წიგნის ეკრანიზაცია. ფილმს საფუძვლად დაედო ბრაიან სელზნიკის (მისი სხვა რომანის მიხედვით მარტინ სკორსეზემ გადაიღო ფილმი „დროის მცველი“). აქაც დროსთან თამაშია: გოგონა 1927 წლიდანაა, ვაჟი კი – 1977-დან. ისინი პარალელური ცხოვრებით ცხოვრობენ, მაგრამ რაღაც უცნაური ძალით აღმოჩნდებიან გადაჯაჭვულები.
10.
„სინათლე“(„Hikari“/“Radiance“), რეჟისორი ნაომი კავასე
ცნობილმა იაპონელმა რეჟისორმა გადაიღო ემოციური დრამა ფოტოგრაფზე, რომელმაც მხედველობა დაკარგა.
11.
„ორმაგი საყვარელი“ („Lʼamant double“), რეჟისორი ფრანსუა ოზონი
წერენ, რომ ეს არის ტრილერი. ფაქიზ და სუსტ გოგონას ქლოის (მარინა ვაქტი) თავისი ფსიქოანალიტიკოსი პოლი (ჟერემი რანიე) უყვარდება. რამდენიმე თვეში ქლოი პოლთან გადადის საცხოვრებლად, რის შემდეგაც ირკვევა, რომ პოლი მას თავისი ცხოვრების გარკვეულ წვრილმანებს უმალავს.
12.
„შემდეგ დღეს“ („Geu-hu“/“The Day After“), რეჟისორი ხონ სან სუ
კორეელმა რეჟისორმა ერთდროულად ორი ფილმი წარმოადგინა – „შემდეგ დღეს“ – ძირითად კონკურსში, ხოლო „კლერის ფოტოაპარატს“ კონკურსგარეშე უჩვენებენ. ორივე ფილმში თამაშობს მისი მუზა კიმ მინ ხი, რომელსაც, პრესის თქმით, რეჟისორთან რომანი აქვს. სიუჟეტის წვრილმანები სრულ საიდუმლოს წარმოადგენს.
13.
„იუპიტერის მთვარე“(„Jupiterʼs Moon“ ), რეჟისორი კორნელ მუნდრუცო
უნგრელმა რეჟისორმა გადაიღო ფილმი ახალგაზრდა მიგრანტის შესახებ, რომელიც უნგრეთში არალეგალურად მოხვედრის მცდელობისას დაიღუპა, და ამის შემდეგ ლევიტირების უნარი მოიპოვა. ერთ-ერთ მთავარ როლშია რუსული კომედიების მუდმივი მსახიობი მერაბ ნინიძე.
14.
„ოკჩა („Okja“), რეჟისორი პონ ჩჟუნ ჰო
კორეელი რეჟისორი გვიჩვენებს საოცარ ცხოველურ გარდასახვებს მსახიობების ტილდა სიუნტონის, პოლ დანოსა და ჯეიკ ჯილენჰოლის მონაწილეობით. მნიშვნელოვანი მომენტია, რომ – კანის კონკურსში პირველად მონაწილეობს Netflix-ის მხარდაჭერით შექმნილი ფილმი.
15.
„შენ აქ არასდროს ყოფილხარ“ („You Were Never Really Here“), რეჟისორი ლინ რემზი
მთავარი გმირი (ჰოაკინ ფენიქსი) – წარსულის მოგონებებით გატანჯული ომის ვეტერანია, რომელიც გოგონას სექსუალური მონობიდან იხსნის. ეს არის ჯონათან ეიმსის რომანის ეკრანიზაცია. ამბავი სისასტიკესა და შურისძიებაზე.
16.
„არსაიდან“ („Ausdem Nichts“), რეჟისორი ფატიჰ აკინი
გერმანელ-თურქმა რეჟისორმა ფატიჰ აგინმა, მთავარ როლში დაიან კრიუგერის მონაწილეობით, ფილმი გადაიღო. ერთ მომენტში ქალის ცხოვრება სამუდამოდ იცვლება: აფეთქებული ბომბი მის ქმარსა და შვილს კლავს. პოლიცია საკმაოდ სწრაფად აკავებს ეჭვმიტანილებს – ახალგაზრდა წყვილს ნეონაცისტური წარსულით. იმის შიშით, რომ საქმე მათთვის დამსახურებული სამაგიეროს მიზღვით არ დასრულდება, მთავარი გმირი საქმეს თვითონ იღებს ხელში.
17.
„კარგი დრო“ („Good Time“), რეჟისორები ბენ საფდი და ჯოშუა საფდი
ფილმი გვიამბობს მძარცველზე (რობერტ პატინსონი), რომელიც მდევნელებისგან თავის დახსნას ვერ ახერხებს.
18.
“120 დარტყმა წუთში” (“120 battements par minute”), რეჟისორი რობენ კამპიიო
სასტიკი ინტიმური ისტორია. 1990-იანი წლების დასაწყისი, ადამიანები შიდსით იხოცებიან, მოძრაობა Act Up-Paris-ის აქტივისტები კი ცდილობენ, რომ საზოგადოების ყურადღება ამისკენ მიაპყრონ. მთავარი როლები ფრანგული კინოს ვარკვლავებმა ნაუელ პერეს ბისკარიატმა და ადელ ენელმა შესარულეს.
19.
„მაიროვიცების ოჯახის ისტორია“ („The Meyerowitz Stories“), რეჟისორი ნოი ბაუმბახი
დიდი ხნის გაფანტული ოჯახი ნიუ-იორკში იკრიბება, რომ მამის სამეცნიერო ნაშრომი აღნიშნონ
20.
„კვადრატი“ („The Square“), რეჟისორი რუბენ ესტლუნდი
შვედი რეჟისორის ინგლისურენოვანი ფილმი. ამ რეჟისორმა საქვეყნოდ გაითქვა სახელი სამთო-სათხილამურო კურორტის შესახებ გადაღებული დრამით „ფორს-მაჟორი“. მუზეუმის დირექტორი (ელიზაბეტ მოსი) ევროპული ქალაქის მოედანზე აკეთებს ინსტალაციას კვადრატის სახით, რომლის ფარგლებშიც ადამიანებს შეუძლიათ საერთო ინტერესები გაუზიარონ ერთმანეთს, და რაც მოუნდებათ, ის გააკეთონ.
