ირანელი ტურისტების მოლოდინში ერევანში ბინის ქირის ღირებულება ორჯერ გაიზარდა

ნოვრუზის დღესასწაულის დამდეგს, რომლის აღსანიშნავადაც ირანელები სომხეთში ჩამოდიან (ირანული ახალი წელი, რომელიც 21 მარტს დგება), იმ ბინების ქირის ფასი, რომლებსაც დღეებით აქირავებენ, თითქმის გაორმაგდა.

Tert.am-მა  ვებგვერდ List.am-ზე გასაქირავებლად წარმოდგენილი სახლების შესახებ განცხადებები შეისწავლა და რამდენიმე მათგანი გამოაქვეყნა:

უკანასკნელი წლების განმავლობაში ირანიდან სომხეთში ჩამოსული ტურისტების რაოდენობა მკვეთრად გაიზარდა; თანაც, როგორც ექსპერტები გვაუწყებენ, ისინი სომხეთში 4-5 დღეს ატარებენ, და თითოეული დაახლოებით 800 დოლარს ხარჯავს.

ამავდროულად, ირანელებს, სანქციების გამო, ჯერჯერობით არ შეუძლიათ Visa და Mastercard-ის ბარათებით სარგებლობა, და სომხეთში სასტუმროების ონლაინ დაჯავშნა.

ირანელებმა, რომლებმაც ვინაობის გამხელა არ ისურვეს, JAMnews-ის ექსპერტს აცნობეს, რომ სომხური ბანკები, პრობლემების თავიდან აცილების მიზნით, უარს ამბობენ ირანელებისთვის ანგარიშის გახსნაზე. ამჟამად სომხეთში ირანელებს ემსახურება მხოლოდ ბანკი მელატი, რომელიც ირანული კაპიტალით საზრდოობს.