ერევნის მოხუცთა სახლში ორმა ხანშიშესულმა წყვილმა იქორწინა

ერევნის ნომერ პირველ მოხუცთა სახლში ერთდროულად ორმა აქ მცხოვრებმა ხანში შესულმა წყვილმა გადაიხადა ქორწილი.  საქორწინო ცერემონიამ საზეიმო ატმოსფეროში და მხიარულად ჩაიარა – სიმღერებითა და ცეკვებით.

ცერემონიაში მონაწილე ჟურნალისტებს ახლად დაქორწინებულებმა თავიანთი სიყვარულის  და რომანტიკული ურთიერთობის ამბები უამბეს.  ასე მოჰყვა 70 წლის  ნვარდ ვოსკანიანი, თუ როგორ  გაჰყვა ცოლად ასრატ (Hasrat) მანუკიანს, თქვა, რომ ეს მისი მეორე ქორწინებაა: „ჩემი პირველი ქმარი რვა წლის წინ გარდაიცვალა და მე უკვე ერთი წელიწადია, მოხუცთა სახლში ვცხოვრობ. ასრატმა შეძლო, რომ ცოლობაზე დავეთანხმებინე – ისე ლამაზად მთხოვა ხელი, რომ დავთანხმდი“, – თქვა ნვარდ ვოსკანიანმა.

ქორწილს ასევე ესწრებოდა სომხეთის პირველი ლედი რიტა სარგსიანი. მან აღიარა, რომ ასეთ უცნაურ ცერემონიას პირველად ესწრება: „ჩვენმა დღევანდელმა ახლად დაქორწინებულებმა დაადასტურეს, რომ სიყვარულს ასაკი არ აქვს. ვუსურვებ ახლად დაქორწინებულებს მრავალ წელიწადს  ჯანმრთელად ცხოვრებას“.