ელჩის მკვლელობის ფოტოსურათისთვის პრემიის მინიჭებას თურქეთში რუსეთის საელჩომ მორალური დეგრადაცია უწოდა

ზნეობის სრული დეგრადაცია უწოდეს თურქეთში რუსული საეჩოს წარმომადგენლებმა World Press Photo-ს გადაწყვეტილებას, რომელმაც რუსეთის ელჩის მკვლელის ფოტო წლის სურათად აღიარა.

„World Press Photo-ს ჟიურის არჩევანი გამაოგნებელია. ეს ზნეობისა და მორალური ფასეულობების სრული დეგრადაციაა. ძლიერ ვწუხვართ, რომ ასეთი ლპობაშერეული წარმატების დევნაში ყველანაირ საშუალებას მიმართავენ. ტერორის საშინელების პროპაგანდა დაუშვებელია“, – ნათქვამია საელჩოს განცხადებაში.

სააგენტო The Associated Press-ის  ფოტოგრაფის ბურჰან ოზბილიჩის ნამუშევარი World Press Photo-ს კონკურსზე წლის ფოტოდ 13 თებერვალს აღიარეს. სურათზე ასახულია ანდრეი კარლოვის მკვლელობის შემდეგომი მომენტი. ამ თემაზე ოზბილიჩის ფოტორეპორტაჟი საუკეთესოდ აღიარეს „უახლესი ამბების“ კატეგორიაშიც.

ამ გადაწყვეტილებამ დისკუსია გამოიწვია. გამარჯვებულის გამოცხადების შემდეგ ჟიურის აზრს გაემიჯნა მისი თავმჯდომარე სტიუარტ ფრანკლინი, რომელმაც განაცხადა, რომ, მორალური მოსაზრებების გამო, ამ ნამუშევრისთვის ხმა არ მიუცია და რომ „ტერორის ეს სახე წლის ფოტო არ უნდა გამხდარიყო“.

„ოზიბილიჩის ფოტო ნამდვილად ეფექტურია. მხარი დავუჭირე მისთვის ახალი ამბების ფოტოს კატეგორიაში პრიზის მინიჭებას, რომელშიც მან ასევე გაიმარჯვა, მაგრამ კატეგორიულად ვეწინააღმდეგებოდი, რომ ის წლის ფოტო გამხდარიყო. მე ხმა ამის წინააღმდეგ მივეცი, მაგრამ დავა წავაგე.  ვწუხვარ, ბუხრან, მაგრამ ეს მკვლელობის ფოტოა, რომელშიც მკველი და მსხვერპლი ერთ კადრში არიან და მისი პუბლიკაცია ისეთივე პრობლემაა, როგორც ტერორისტის მიერ მსხერპლისთვის თავის მოკვეთის პუბლიკაცია“, – დაწერა ფრანკლინმა „გარდიანის“ საკუთარ სვეტში.

თურქეთში რუსეთის ელჩი ანდრეი კარლოვი 2016 წელს ანკარაში, გამოფენის „რუსეთი თურქების თვალით“ გახსნაზე მოკლეს. თავდამსხმელი 22 წლის ყოფილი თურქი პოლიციელი მევლუტ ალტინაში აღმოჩნდა, რომელიც ღონიძიებაზე დაცვის წევრის ფორმით მივიდა. ალტინაში პოლიციელებმა დანაშაული ადგილას ჩაცხრილეს.

ფონდი World Press Photo, რომელიც ყოველწლიურ კონკურსს ატარებს,  ამსტერდამში დარეგისტრირებულ არაკომერციულ ორგანიზაციას წარმოადენს. მის მიერ მინიჭებული პრემიები  ვიზუალურ ჟურნალისტიკაში ყველაზე პრესტიჟულად არის მიჩნეული.