დიდუბეში სახლის დემონტაჟისას ნანგრევებში მოყოლილი მუშა გარდაიცვალა
წერეთლის ქუჩის 35-37 ნომერში ავარიული სახლის დემონტაჟის დროს ნანგრევებში მოყოლილი მუშა გარდაიცვალა. გარდაცვლილი 40 წლამდე მამაკაცია. ის ნანგრევებიდან ამოყვანის შემდეგ უგონო მდგომარეობაში იმყოფებოდა, ექიმებმა მისი გადარჩენა ვეღარ შეძლეს.
შემთხვევა დღეს დილით 09:30 საათზე მოხდა. ნანგრევებში კიდევ ოთხი მუშა მოყვა. ერთი მათგანი სასწრაფო სამედიცინო დახმარების ბრიგადამ საავადმყოფოში გადაიყვანა. მისი მდგომარეობა მძიმეა.
ადგილზე საპატრულო პოლიციისა და სამაშველო ბრიგადები მუშაობენ. იქვე არიან ექსპერტ-კრიმინალისტებიც. შს სამინისტროში აცხადებენ, რომ საქმე უკვე აღიძრა სისხლის სამართლის კოდექსის 240-ე მუხლით აღიძრა, რაც სამშენებლო ნორმების უსაფრთხოების დარღვევას გულისხმობს.
