ტანგოს პირველი ფესტივალი ბაქოში

4 ოქტომბერს ბაქოში იწყება ტანგოს პირველი ფესტივალი, რომელიც ბაქოში არგენტინის საელჩოს მხარდაჭერით გაიმართება – ფესტივალი სამ დღეს გაგრძელდება.

ფესტივალის ფარგლებში ბაქოს სხვადასხვა საცეკვაო დარბაზში უფასო სემინარები ჩატარდება – აზერბაიჯანელი, ქართველი და არგენტინელი ინსტრუქტორები ტანგოსა და არგენტინული ფოლკლორის ღია გაკვეთილებს გამართავენ, წარმოადგენენ ტანგო–პერფორმანსებს, ხოლო მსურველებს კერძო გაკვეთილებიც ჩაუტარდებათ – “ფესტივალის ფარგლებში მოეწყობა მილონგები – არგენტინური ტანგოს საღამოები – და ტანგო–მარათონი”, – წერს აზერ ტაჯი.

აზერბაიჯანელი ტანგოს მასწავლებლები ილჰამ ოსმანოვი და ალფია სულტანოვა, ასევე საქართველოს საცეკვაო სტუდიებიდან მოწვეული მასწავლებლები გაკვეთილებს ჩაუტარებენ როგორც დამწყებებს, ისე ამ ცეკვის შესრულების ტექნიკის უკვე მცოდნეებსაც.