ბაქოში რუსეთისა და აშშ-ის გენერალური შტაბების ხელმძღვანელთა შეხვედრა შედგა

აშშ-ის სამხედრო ძალთა შტაბების ხელმძღვანელთა გაერთიანებული კომიტეტის თვმჯდომარე ჯოზეფ დანფორდი (Josef Dunford) და რუსეთის სამხედრო ძალთა გენერალური შტაბის ხელმძღვანელი ვალერი გერასიმოვი, რომლებიც ერთმანეთს 16 თებერვალს ბაქოში ხვდებიან, განიხილავენ სამხედროებს შორის კომუნიკაციის მნიშვნელობას, გადმოსცემს „რია ნოვოსტი“ პენტაგონის პრეს-სამსახურზე დაყრდნობით.

ეს დანფორდსა და გერასიმოვს შორის გამართული პირველი შეხვედრაა. მანამდე მათ შორის ერთი სატელეფონო საუბარი შედგა.

„შეთანხმებული უწყებით გათვალისწინებულია რუსეთის ფედერაციასა და აშშ-ს შორის სამხედრო თანამშრომლობის მდგომარეობისა და პერსპექტივების, ასევე მხრეთა სამხედრო საქმიანობასთან დაკავშირებული ინციდენტების თავიდან აცილების საკითხების განხილვა“, – აცნობეს წინა დღით „ინტერფაქსს“ რუსეთის ფედერაცისს თავდაცვის სამინისტროს ინფორმაციის დეპარტამენტში.

„სამხედრო ლიდერები სხვადსხვა საკითხის სპექტრს განიხილავენ, მათ შორის აშშ-სა და რუსეთს შორის მიმდინარე სამხედრო კავშირებსა და სამხედროებს შორის მუდმივი და მკაფიო ურთიერთობის მნიშვნელობას შეცდომებისა და პოტენციური კრიზისების თავიდან ასაცილებლად“, – ნათქვამია შეტყობინებაში.

16 აპრილს ამერიკული დელეგეცია მიიღო აზერბაიჯანის პრეზიდენტმა ილჰამ ალიევმა.

გაზეთმა New York Times -მა გაარკვია დანფორდისა და გერასიმოვის მაინცდამაინც ბაქოში შეხვედრის მიზეზი.

აშშ-ის ოფიციალურ წყაროებზე დაყრდნობით, გაზეთი წერს, რომ რუსულმა მხარემ ჯ.დანფორდს  მოსკოვში ან ბელარუსში ჩასვლა შესთავაზა. პენტაგონმა კი, თვის მხრივ, ამჯობინა შეხვედრა დასავლეთ ევროპაში ჩაეტარებინა.

მაგრამ, ევროკავშირის მხრიდან გერასიმოვის მიმართ ევროპაში შესვლის აკრძალვის თაობაზე დაწესებული სანქციების გამო, ეს შეუძლებელი აღმოჩნდა. სანქცია გამოყენებულია იმ განცხადებებთან დაკავშირებით, რომ ვ. გერასიმოვი უკრაინის კონფლიქტის ერთ-ერთი მთავარი ფიგურაა. საბოლოოდ გადაწყდა შეხვედრის ბაქოში ჩატარება.