ბაქოში მსოფლიოში პირველი ნავთობის სამრეწველო ჭაბურღილი აღადგინეს

დაბა ბიბი-ეიბატში, ბაქოდან დასავლეთით 10 კილომეტრში, მსოფლიოში პირველი სამრეწველო მეთოდით გათხრილი ნავთობის ჭაბურღილი აღადგინეს.

ამ ჭაბურღილიდან ნავთობის პირველმა შადრევნმა 1846 წელს ამოხეთქა. მაშინ ჭაბურღილის სიღრმე სულ 21 მეტრი იყო.

26 აპრილს აზერბაიჯანის ნავთობის სახელმწიფო კომპანია SOCAR-მა ამ პირველი ჭაბურღილის რეკონსტრუქცია დაასრულა. მისი ამოქმედების ცერემონიაში მონაწილეობდნენ აზერბაიჯანის პრეზიდენტი ილჰამ ალიევი და SOCAR-ის პრეზიდენტი როვნაღ აბდულაევი.

მომავალში ამ ტერიტორიაზე აზერბაიჯანის ნავთობის მუზეუმის გახსნა იგეგმება.

• ეს ჭაბურღილი 19-ე საუკუნის ბოლოს სხვა ჭაბურღილებთან ერთად ძმები ნობელების კუთვნილება გახდა.
• 1900 წლამდე ბაქოში მსოფლიო ნავთობის 50% მოიპოვებოდა.
• ბიბი-ეიბატის ჭაბურღილი ბონდიანას ერთ-ერთი ფილმის “The World is not enough”-ის კადრშიც მოხვდა.