ბაქოში ისლამური სოლიდარობის თამაშების გახსნის ოფიციალური ცერემონია გაიმართა
მე-4 ისლამური სოლიდარობის თამაშების გახსნის საზეიმო ცერემონია 12 მაისს ბაქოს ოლიმპიურ სტადიონზე გაიმართა.
ცერემონიის პროგრამაში შედიოდა თეატრალური კომპოზიციები, რომლებიც მუსლიმური სამყარის, აღმოსავლეთის ისტორიის ძირითად მომენტებს ასახავდა. გახსნის ცერემონიაში ჩართული იყო 31 ქვეყნის წარმომადგენელი 5 ათასზე მეტი ადამიანი, გამოყენებული იყო რვა ქვეყნის წარმოების სასცენო აღჭურვილობა. გახსნის ცერემონია დადგა ბრიტანულმა კომპანიამ, რომელიც 2012 წლის ლონდონის ოლიმპიადის გახსნაზე იყო პასუხისმგებელი.
დასრულებისას მაყურებელს ულამაზესი ფოიერვერკი ელოდა. ოლიმპიური სტადიონის თავზე, ღამის ცაზე შუშხუნებით გამოისახა სიტყვა “ბაქო-2017”.
ცერემონიას ესწრებოდნენ აზერბაიჯანის პრეზიდენტი ილჰამ ალიევი და აზერბაიჯანის პირველი ვიცე-პრეზიდენტი მეჰრიბან ალიევა, უცხოეთის ქვეყნების, საერთაშორისო ორგანიზაციებისა და ფედერაციების ოფიციალური წარმომადგენლები, და სხვა მაღალი რანგის სტუმრები. სტადიონზე მყოფი დამსწრეების გარდა, გახსნის ცერემონიის ნახვა ოთხი კონტინენტის მაყურებლებმაც შეძლეს, ცერემონია პირდაპირი ეთერით გადაიცემოდა.
- ისლამური სოლიდარობის IV თამაშები ბაქოში 2017 წლის 12-დან 22 მაისამდე
- ტარდება. თამაშების სპორტულ პროგრამაში შედის სპორტის 20 სახეობა, მათ შორის – 17 ოლიმპიური, და სამი – არაოლიმპიური.
- თამაშებში 54 ქვეყნის წარმომადგენელი, სამ ათასზე მეტი სპორტსმენი მონაწილეობს.
JAMnews-ის ექსკლუზიური ფოტო ცერემონიის გახსნიდან
