ბაქოში ისლამური სოლიდარობის თამაშების დახურვის ცერემონია გაიმართა

22 მაისს ბაქოს ოლიმპიურ სტადიონზე ისლამური სოლიდარობის მე-4 თამაშების დახურვის საზეიმო ცერემონია გაიმართა. ისლამური სამყაროს სოლიდარობის ნიშნად, სხვდასხვა ქვეყნის ათლეტები ერთ კოლონად გაერთიანდნენ.

ისლამიადაში 54-მა ქვეყანამ მიიღო მონაწილეობა. აზერბაიჯანმა 75 ოქროს, 50 ვერცხლის და 37 ბრინჯაოს მედალი მოიპოვა, და გუნდური ჩათვლის არაოფიციალური გამარჯვებული გახდა. თურქეთმა ყველაზე მეტი, მთლიანობაში – 195 მედალი აიღო, და მედლების რაოდენობით პირველ ადგილზე გავიდა. მესამე შედეგი ირანის ნაკრებს ჰქონდა.

ისლამიადის საორგანიზაციო კომიტეტის თვმჯდომარემ, აზერბაიჯანის ვიცე-პრეზიდენტმა მეჰრიბან ალიევამ დახურვის ცერემონიაზე თქვა, რომ ამ თამაშების ჩატარებით “აზერბაიჯანმა მორიგი ისტორიული გამარჯვება მოიპოვა”.

ისლამური სოლიდარობის მომდევნო თამაშები 2021 წელს სტამბოლში ჩტარდება. ისლამური სოლიდარობის სპორტული ფედერაციის დროშა თურქეთს გადაეცა.