ბაქოში ავტობუსის დამანაგვიანებელ მგზავრებს დასჯიან

სატრანსპორტო კომპანია „Bakubus“-მა ქალაქის ავტობუსების სალონებში სისუფთავის დამრღვევებს „ომი“ გამოუცხადა. ამის შესახებ კომპანიის ოფიციალურ ვებგვარდზე წერია.

„შუაღამეს ფარეხში დაბრუნებისას რას არ იპოვნი ავტობუსების სალონებში, რომლებსაც სპეციალისტები მთელი ღამის განმავლობაში ეტაპობრივად ალაგებენ ხოლმე? – სხვადასხვა სახის საყოფაცხოვრებო ნარჩენებს, ხელსახოცებს, სიგარეტის ნამწვავებს, ქაღალდის ნაგლეჯებს, ხილისა და სხვა პრდუქტების ნარჩენებს. ყველაზე სამწუხარო ასპექტი ის არის, რომ უპასუხისმგებლო მგზავრები აწერენ, აკაწრავენ და გამოუსწორებელ დაზიანებებს აყენებენ ავტობუსის დასაჯდომ საკამებს“, – უთხრა საინფორმაციო სააგენტო АПА-ს
„BakuBus“-ის პრეს-სამსახურის ხელმძღვანელმა მანსურ პირიევმა.

პირიევმა დასძინა, რომ დამრღვევებს ვიდეოკამერების მეშვეობით გამოავლენენ. „ამ მოქალქეების მიმართ შესაბამის ზომებს მიიღებენ, კანონმდებლობის მოთხოვნის თანახმად“. ასეთი საქციელის ჩადენისთვის განსაზღვრული ჯარიმის ოდენობა ჯერ არ სახელდება.

• კომპანია „Bakubus“ 2014 წელს შეიქმნა და ბაქოს აღმასრულებელი ხელისუფლების დაქვემდებარებაშია;
• კომპანიის მარშრუტებზე ფრანგულ-იტალიური ფირმა „ივეკოს“ უახლესი, სამგზავრო ავტობუსები მუშაობენ;
• მგზავრობა 20 მანათი (დაახლოებით 10 აშშ ცენტი) ღირს. გადახდა მხოლოდ ბარათით ხდება.