ბაქოს პოპულარული ბაზრობა რუსი მილიარდერის ხელში გადადის

სააქციო საზოგადოებამ “ტეზე ბაზარი” (ახალი ბაზარობა) დახურვის შესახებ განაცხადა. ამგვარად დაესვა წერტილი აზერბაიჯანის დედაქალაქის ერთ-ერთ უძველესი ცენტრალური ბაზრობის თანამფლობელებს შორის ხანგრძლივ ქონებრივ დავას.

“ტეზე ბაზარი” დაახლოებით 70 წლის წინათ აშენდა ბაქოს ცენტრში და ყველაზე პოპულარულ სასოფლო-სამეურნეო ბაზრობას წარმოადგენდა. საბჭოთა დროსაც კი, როდესაც პროდუქტები ტალონებით გაიცემოდა, და რთულ 90-იან წლებში აქ (რასაკვირველია, არაოფიციალურ საბაზრო ფასად) თითქმის ყველანაირი დეფიციტური პროდუქტის შოვნა შეიძლებოდა; მათ შორის – ახალთახალი ზუთხისა და ხიზილალისაც.

ბაზრობის პრივატიზება 2000-იანი წლების დასაწყისში მოხდა და მისი თანამფლობელი ორი აზერბაიჯანელი ბიზნესმენი გახდა – მამედაღა იბრაგიმოვი და ვაგიფ შიხალიევი. მაგრამ რამდენიმე წლის შემდეგ მათ შორის ქონებრივი დავა მოხდა, საქმე ანგარიშსწორების მუქარამდე და პოლიციაში ჩივილამდე მივიდა.ზოგიერთი ჟურნალისტის მტკიცებით, ერთ-ერთ ამ ბიზნესმენთაგანს შინაგან საქმეთა მინისტრი მფარველობდა, მეორეს კი – ეროვნული უშიშროების მინისტრი. პირად უთანხმოებას ორი ძალოვანი მინისტრის პოლიტიკური დაპირისპირება აღრმავებდა.

2017 წლის 4 აპრილს “ტეზე ბაზარის” ტერიტორიაზე ხანძარი გაჩნდა და ბაზრობა დაახლოებით ერთი კვირით დაიკეტა. იყო ეჭვები, რომ ხანძარი გამიზნულად გაჩნდა, თუმცა პოლიციამ ამის საკმარისი მტკიცებულება ვერ იპოვა.

სააქციო საზოგადოება “ტეზე ბაზარის” ლიკვიდაციის შემდეგ, ვებგვერდ haqqin.az и virtualaz.org მტკიცებით, ბაზრობა რუსი მილიარდერის გოდ ნისანოვის მფლობელობაში გადადის.

ნისანოვი აზერბაიჯანის გუბინსკის რაიონის ცნობილი სოფლიდან კრასნაია სლობოდადან, ებრაელების კომპაქტური დასახლების ადგილიდან არის წარმოშობით. ჟურნალ “ფორბსის” რუსული გამოცემის მონაცემებით, ნისანოვი ყველაზე მდიდარი რუსი ბიზნესმენების რეიტინგში 36-ე ადგილს იკავებს.

დღეს “ტეზე ბაზარი” ჯერ კიდევ ღიაა მყიდველებისთვის, თუმცა მალე ბაზრობას საფუძვლიანი რეკონსტრუქცია ჩაუტარდება.

“ტეზე ბაზარი” გაფურჩქვნის ხანაში. ფოტო ბლოგიდან:

 “ტეზე ბაზარი დღეს”