ბაქოს სასამართლომ რამდენიმე ვებგვერდის საბოლოოდ დახურვის გადაწყვეტილება მიიღო

ბაქოს საბაილის რაიონულმა სასამართლომ 12 მაისს დააკმაყოფილა კავშირგაბმულობის სამინისტროს ელექტრონული უსაფრთხოების ცენტრის სარჩელი რამდენიმე დამოუკიდებელი ინტერნეტრესურსის – azadliq.info-ს ( გაზეთი აზალდიგი”), azadliq.org-ის (“რადიო აზალდიგი” ), “azerbaycansaati.com”-ის, meydan.tv-ს, ასევე ვიდეოარხების “Azərbaycan saatı”-სა და Turan TV-ს დაბლოკვის შესახებ.

მოპასუხეების სახელით გამოსულმა ადვოკატმა სამედ რეგიმოვმა მიუთითა, რომ ვებგვერდების დაბლოკვის შესახებ კავშირგაბმულობის სამინისტროს 27 მარტის გადაწყვეტილება ეწინააღმდეგება ადამიანის უფლებათა ევროპულ რამდენიმე კონვენციას, თურქეთში ვებგვერდების დაბლოკვის თაობაზე სტრასბურგის სასამართლოს გადაწყვეტილებას, და ასევე ევროპის საბჭოს 2016 წლის მინისტრთა კომიტეტის რეზოლუციას, რომლის მიხედვითაც, ვებგვერდი არ შეიძლება დაიბლოკოს, შეზღუდვა კი მხოლოდ კონკრეტულ ინფორმაციას უნდა ეხებოდეს.

რაგიმოვმა მიუთითა, რომ კავშირგაბმულობის სამინისტროს უკმაყოფილების გამომწვევ ინფორმაციებში არაფერია ისეთი, რაც “საზოგადოებისა და სახელმწიფოს კანონიერ ინტერესებს” არღვევს. მასალები არ შეცავდა რელიგიური რადიკალიზმის ან სხვა კანონსაწინაარმდეგო ქმედებებიკენ არავითარ მოწოდებებს.

თუმცა, ელექტრონული უსაფრთხოების ცენტრის წარმომადგენელი ბაჰტიარ მამედოვი მტკიცედ მოითხოვდა სარჩელის დაკმაყოფილებას.

მოსამართლემ გამოსვლისთვის მოსამზადებელი დრო არ მისცა “რადიო აზალდიგის” ადვოკატს ადილ ისმაილოვს და ვებგვერდების დაბლოკვის გადაწყვეტილება მიიღო.

გაზეთი “აზალდიგის” ვებგვერდის რედაქტორმა როვშან ჰაჯიბეილიმ თქვა, რომ რესურსის მუშაობა გაგრძელდება, – იუწყება საინფორმაციო სააგენტო “ტურანი”.

მედიის საკითხების ექსპერტმა, იურისტმა ალექსერ მამედლიმ ამ გადაწყვეტილების კომენტირებისას თქვა: “ეს ერთმნიშვნელოვნად არასწორი მიმართულებით გადადგმული ნაბიჯია, რომელიც აზერბაიჯანში ინტერნეტის თავისუფლების საბოლოოდ ჩახშობას გამოიწვევს. სასმართლომ აჩვენა, რომ ის სამართლიანობით კი არ ხელმძღვანელობს, არამედ პოლიტიკური შეკვეთით”, – აღნიშნა მამედლიმ რადიო “აზალდიგთან” ინტერვიუში.

ერთ-ერთი დაბლოკილი ვებგვერდის Me ydan.tv-ის დირექტორი ემინ მილი მიიჩნევს, რომ ეს გადაწყვეტილება ხელისუფლების იმ სურვილს უკავშირდება, რომ მკითხველს მისი მისამართით გამოქვეყნებული კრიტიკული მასალა აარიდოს. “თუმცა მკითველმა უკვე ისწავლა სხვადახვა ანონიმაიზერითა და VPN პროგრამებით სარგებლობა, და მაინც გააგრძელებს ჩვენი ვებგვერდების კითხვას”, – უთხრა მილიმ რადიო “აზალდიგს”.