აჭარაში აფხაზური ენის კლასები გაიხსნა
ბათუმის ორ სკოლაში აფხაზური ენის კლასები შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა და აჭარის მთავრობის ხელმძღვანელმა ზურაბ პატარაძემ გახსნეს.
სახელმწიფო მინისტრის აპარატის ინფორმაციით, აფხაზური ენის პედაგოგთა ერთი ჯგუფი ბათუმში იმუშავებს, ხოლო ორი ჯგუფი – სოფელ ფერიაში, სადაც 256 აფხაზური და აფხაზურ-ქართული ოჯახი ცხოვრობს. თითოეულ კლასში კვირაში 4 გაკვეთილი ჩაუარდება და ისინი ნებისმიერი ასაკის მსმენელზეა გათვლილი.
“ჩვენი ვალდებულებაა აფხაზური ენის, იდენტობის და კულტურის დაცვა, აფხაზური ქართულთან ერთად არის სახელმწიფო ენა და მომავალში კიდევ მეტ ნაბიჯს გადავდგამთ ამ მიმართულებით”, – განაცხადა შერიგებისა და სამოქალაქო თანასწორობის საკითებში სახელმწიფო მინისტრმა ქეთევან ციხელაშვილმა
საქართველოს სახალხო დამცველის აპარატმა 2016 წელს მთავრობას აჭარაში აფხაზური ენის შესწავლის ხელშეწყობის თხოვნით არაერთხელ მიმართა.
აფხაზეთის ავტონომიური რესპუბლუიკს მთავრობას 2015 წლის შემდეგ აფხაზური ენის კლასები ზუგდიდის, თბილისის და სენაკის ოთხ სკოლაში აქვს გახსნილი.
სტატიაში გამოთქმული მოსაზრებები ავტორის ტერმინოლოგიასა და შეხედულებებს გადმოსცემს და აუცილებელი არ არის, რედაქციის პოზიციას ასახავდეს.
