აფხაზეთის არჩევნების მთავარი მოვლენა - პარლამენტში მოხვდა მთავარი ოპოზიციონერი ალექსანდრ ანქვაბი

ფოტო: იბრაგიმ ჭკადუა

კვირას, 12 მარტს ჩატარებულმა აფხაზეთის სახალხო კრების არჩევნებმა ჯერ მხოლოდ 12 ოლქში გამოავლინა გამარჯვებულები.

დანარჩენ 22 ოლქში ორ კვირაში ხმის მიცემის მეორე ტური ჩატარდება.

კიდევ ერთ ოლქში, სადაც ყოფილი პრემიერ-მინისტრი ლეონიდ ლაკერბაია იყრიდა კენჭს, არჩევნები შეუმდგარად ჩაითვალა, და იქ ორ თვეში ხელახალი არჩევნები ჩატრდება.

ჩატრებული კენჭისყრის მნიშვნელოვანი შედეგია, რომ გუდაუთის ერთ-ერთ ოლქში გაიმარჯვა აფხაზეთის ყოფილმა პრეზიდენტმა ალექსანდრ ანქვაბმა. ეს გამარჯვება მან ძნელად მოიპოვა – ანქვაბის და ერთადერთი მისი მეტოქის, დამწყები პოლიტიკოსის რუსლან გაგულიას მიერ მოპოვებულ ხმათა რაოდენობაში განსხვავებამ სულ 11 ხმა შეადგინა.

კიდევ ერთი ნიშანდობლივი მოვლენა იყო ჯერ ისევ მოქმედი პარლამენტის სპიკერის ვალერი ბგანბას დამარცხება და ცენტრალური საარჩევნო კომისიის ყოფილი ხელმძღვანელის ბატალ ტაბაღუას გამარჯვება.

• აფხაზეთში საპარლამენტო არჩევნები მაჟორიტარული სისტემით ტარდება.
• სახალხო საკრებულოს 35 ადგილისთვის 137 პრეტენდენტი იბრძვის.

JAMnews-ის დეტალური  ინფორმაცია :  ვინ მონაწილეობდა არჩევნებში,  კანდიდატების გენდერული და ნაციონალური შემადგენლობა,  ხარჯები და სირთულეები

სტატიაში გამოთქმული მოსაზრებები, ტერმინები და პოზიცია მთლიანად ავტორს ეკუთვნის და, შესაძლოა, რედაქციის აზრს არ ემთხვეოდეს.