აზერბაიჯანში ქვეყნის ისტორიაში ყველაზე „ხმაურიანი“ მუნიციპალური არჩევნები ჩატარდა

აზერბაიჯანში მუნიციპალური არჩევნები ჩატარდა. ქვეყნის მიერ დამოუკიდებლობის მოპოვებიდან პირველად საზოგადოება ამ არჩევნების მიმართ რაღაც ინტერესს იჩენს, კანდიდატებს შორის კი  ყოფილი პოლიტპატიმრები, ოპოზიციონერები და ფემინისტები არიან.

• რით არის საინტერესო 2019 წლის მუნიციპალური არჩევნები აზერბაიჯანში

• რატომ დაიწყო საქართველოს ოპოზიციამ ვადამდელი საპარლამენტო არჩევნების მოთხოვნა

მთლიანობაში, არჩევნებში მონაწილეობას იღებს 40 ათას კანდიდატზე მეტი, რომელთაგან მთელი ქვეყნის 1606 მუნიციპალიტეტში 15156 წევრს აირჩევენ.

22:00

აზერბაიჯანში მუნიციპალური არჩევნები დასრულდა.

დამოუკიდებელი კანდიდატების დამკვირვებლებმა რამდენიმე უბანზე დარღვევების მრავალრიცხოვანი ფაქტის შესახებ განაცხადეს. 

საუბარია „კარუსელებსა“ და ჟურნალისტებისა და დამკვირვებლების მუშაობისთვის ხელის შეშლაზე. ზოგიერთი მათგანის საარჩევნო უბნიდან პოლიციის მეშვეობით გაძევებაც კი სცადეს;

ამომრჩევლის გამოცხადებამ 32,72% შეადგინა, – იუწყება საარჩევნო კომისია.

არჩევნების წინასწარი შედეგები 24 დეკემბერს გახდება ცნობილი.

უცნაური არჩევნები

პირველად აზერბაიჯანში მუნიციპალური არჩევნები 1999 წელს ჩატარდა, და მას შემდეგ ყოველ ხუთ წელიწადში ერთხელ ტარდება.

წინათ ეს არჩევნები სრულიად შეუმჩნევლად ტარდებოდა. აზერბაიჯანის ბევრი მოქალაქე ამ არჩევნებზე არ მიდიოდა. ოპოზიცია და ჟურნალისტებიც კი მას უბრალო ფორმალობად აღიქვამდნენ.

მაგრამ ამ წელს, 23 დეკემბერს, არჩევნები ქვეყნის შიდა პოლიტიკური ცხოვრების საერთო გამოცოცხლებისა და რამდენიმე მოულოდნელი მოვლენის ფონზე მიმდინარეობს.

ამ მოვლენებიდან მთავრია – პარლამენტის თვითდათხოვნა და ვადამდელი საპარლამენტო არჩევნების (ის 2020 წლის 9 თებერვალს გაიმართება) გამოცხადება.

გარდა ამისა, გასული სამი თვის განმავლობაში პრეზიდენტმა ილჰამ ალიევმა მთავრობა „გადააჯგუფა“ და რამდენიმე მაღალი თანამდებობის არაპოპულარული ჩინოვნიკი გაათავისუფლა.

მუნიციპალური არჩევნებამდე ერთი კვირით ადრე სახელმწიფო უშიშროების სამმართველომ, კორუფციისა და დატაცების ბრალდებით, აღმასრულებელი ხელისუფლების ორი ხელმძღვანელი დააკავა.

აზერბაიჯანში შემოდგომაზე, რამდენიმე წლის განმავლობაში პირველად, ასევე  რამდენიმე არასანქცირებული საპროტესტო აქცია გაიმართა.

ამ ყველაფერმა საზოგადოება ერთგვარად „გამოაცოცხლა“.  

აგიტაცია და პირველი დარღვევები

ოპოზიციონერების და აქტივისტების წარმომადგენელი კანდიდატები Facebook-ზე აქტიურ აგიტაციას ეწეოდნენ, ახალგაზრდობას არჩევნებზე წასვლისა და დამკვირვებლებად ჩაწერისკენაც კი მოუწოდებდნენ.

21 დეკემბერს ერთ-ერთი კანდიდატი ვაფა ნაგი – ერთ-ერთ პროვინციაში ქალთა შრომითი მოწყობისთვის სოციალური ბიზნესის დამფუძნებელი – საკუთარ Facebook-გვერდზე ადგილობრივი ხელისუფლების მხრიდან ზეწოლისა და მუქარების შესახებ ჰყვება. ამის საბაბად ის იქცა, რომ ნაგი დაინტერესდა, თუ რამდენად კანონიერია, რომ საარჩევნო კომისიის შემადგენლობაში შეყვანილია მუნიციპალიტეტის მოქმედი ხელმძღვანელის ძმისშვილი.