აზერბაიჯანში საპენსიო ასაკის გაზრდას აპირებენ

აზერბაიჯანის მილი მეჯლისში (პარლამენტი) შეტანილია პროექტი „შრომითი პენსიის“ შესახებ კანონში 98 ცვლილების შეტანის შესახებ, რომლის თანახმად, ყველა მოქალაქისთვის, განურჩევლად სქესისა, საპენსიო ასაკი თანდათან აიწევს 65 წლამდე.

აზერბაიჯანელი პენსიონერების შესახებ დაწვრილებით წაკითხვა შესაძლებელია JAMnews-ის სტატიაში.

პროექტის მიხედვით, 2021 წლამდე მამაკაცების საპენსიო ასაკი ყოველწლიურად ექვსი თვით მოიმატებს. ხოლო ქალების საპენსიო ასაკი ყოველწლიურად ექვსი თვით მოიმატებს 2017 წლამდე. ამით ქალებისა და მამაკაცების საპენსიო ასაკი 65 წლამდე მიაღწევს.

პროექტი ასევე გულისხმობს პენსიის ძირითადი ნაწილის გაუქმებას.

1992 წლის 1 იანვრამდე პენსიაზე გასულ მოქალაქეებს კომპენსაციას სახელმწიფო გადაუხდის. 2006 წლამდე პენსიაზე გასულებისთვის კი კომპენსაციას მოსახლეობის შრომისა და სოციალური დაცვის სამინისტრო უზრუნველყოფს.

• დამტკიცების შემთხევაში, კანონპროექტი 2017 წლის 1 ივლისიდან შევა ძალაში.
• დღესდღეობით აზერბაიჯანში მამაკაცების საპენსიო ასაკია – 63 წელი, ქალების კი – 60 წელი. ეს 2010 წელს დადგინდა. მანამდე კი საპენსიო ასაკი, შესაბამისად – 62 და 57 წელი იყო.
• მინიმალური პენსიის რაოდენობაა 110 მანათი (62.80 აშშ დოლარი).