აზერბაიჯანში მომღერლისა და კომპოზიტორის მუსლიმ მაგომაევის იუბილე აღნიშნეს

 დღეს აზერბაიჯანში ხელოვნების ბევრი მოყვარული აღნიშნავს ცნობილი მომღერლისა და კომპოზიტორის მუსლიმ მაგომაევის 75 წლის იუბილეს.

მუსლიმ მაგომაევი 1942 წელს 17 აგვისტოს ბაქოში დაიბადა. მისი ბაბუა – მუსლიმ მაგომაევი უფროსი აზერბაიჯანული კლასიკური მუსიკის ერთ-ერთი დამფუძნებელი იყო. მაგომაევი უმცროსი 1963 წლიდან საბჭოთა ესტრადის ერთ-ერთ კერპად იქცა. ის ვირტუოზულად ფლობდა ასევე საოპერო ხელოვნებასაც – გამოდიოდა მილანის „ლა სკალასა“ და პარიზის „ოლიმპიას“ სცენებზე.

სსსრკ-ში მაგომაევის პოპულარობა თავბრუდამხვევი იყო, ამბობდნენ, რომ მის მიმართ თვით ლეონიდ ბრეჟნევი იყო სიმპათიით განწყობილი.

მაგომაევი 2008 წლის ოქტომბერში გარდაიცვალა. ის ბაქოს ღისების ხეივანშია დაკრძალული თავისი ბაბუის გვერდით.

მისი ხსოვნისთვის პატივის მისაგებად დღეს ბაქოში მისი ქვრივი, მოსკოვის დიდი თეატრის სოლისტი ტამარა სინაიავსკაია ჩავიდა. „ეს ჩვენი ძველი ტრადიციაა. მე და მუსლიმი ყოველთვის ბაქოში აღვნიშნავდით ხოლმე მის დაბადების დღეს“, – თქვა სინიავსკაიამ.

აზერბაიჯანის პრეზიდენტის ილჰამ ალიევის დადგენილებით, მუსლიმ მაგომაევის 75 წლის იუბილე სახელმწიფო დონეზე აღინიშნება. მაგომაევის ერთ-ერთი ბოლო სიმღერა იყო „მშვიდობით, ბაქო“, 2007 წელი; სერგეი ესენინის ლექსზე.