აზერბაიჯანში ელმარ ჰუსეინოვის ხსოვნას პატივი მიაგეს
სპეციალობით ინჟინერ-ჰიდროტექნიკოსი ელმარ ჰუსეინოვი ჟურნალისტიკაში 1996 წელს მოვიდა. მან გაზეთ “სარკიდან” დაიწყო, და იმავე წელს შეუდგა ჟურნალ “მონიტორის” გამოცემას, რომელიც პირველივე ნომრიდან ყველაზე პოპულარულ გამოცემად იქცა აზერბაიჯანში.
ელმარ ჰუსეინოვი, თავის კრიტიკული წერილების გამო, მუდმივად განიცდიდა ხალისუფლების მხრიდან ზეწოლას, მას 34-ჯერ დაეკისრა სასამართლო პასუხისმგებლობა. 2004 წელს პოლიციის თანამშრომლებმა მას პრეზიდენტისა და მისი ოჯახის მისამართით დაწერილი კრიტიკული სტატიების ბეჭდვის შეწყვეტა მოსთხოვეს, წინააღმდეგ შემთხვევაში კი, ანგარიშსწორებით დაემუქრნენ.
უცხოეთის ქვეყნებიდან მისთვის პოლიტიკური თავშესაფრის მრავალგზის შეთავაზების მიუხედავად, ელმარ ჰუსეინოვი აზერბაიჯანში დარჩა და თავისი პროფესიული საქმიანობა გააგრძელა. ჟურნალ “მონიტორის” უკანასკნელი ნომერი 2005 წლის 19 თებერვალს გამოვიდა.
ელმარ ჰუსეინოვი 2005წლის 2 მარტს საკუთარი ბინის შესასვლელთან პისტოლეტიდან შვიდი გასროლით მოკლეს. მაშინ აზერბაიჯანის პრეზიდენტმა ამ მკვლელობას ქვეყნის რეპუტაციისთვის დიდი ლაქა და აზერბაიჯანის დემოკრატიული განვითარებისთვის მიყენებული დარტყმა უწოდა”.
სტრასბურგში ევროპის ადამიანის უფლებათა სასამართლომ 2017 წლის 13 აპრილს აღიარა, რომ აზერბაიჯანის ხელისუფლებამ ჟურნალ “მონიტორის” მთავარი რედაქტორის ელმარ ჰუსეინოვის მკვლელობის სისხლის სამართლის საქმეზე ეფექტური გამოძიება არ ჩაატარა, და ჟურნალისტის მკვლელების პასუხიმგებლობაში მისაცემად აუცილებელი ნაბიჯები არ გადადგა.
ჟურნალ “მონიტორის” არქივის გაცნობა შესაძლებელია აქ:
სიახლე JAMnews-ისგან ადამიანის უფლებათა ევროპული სასამართლოს გადაწყვეტილების შესახებ:
https://jam-news.net/?p=32098&lang=ka
