აზერბაიჯანში ბამბის მინდვრებზე მომხდარ მოწამვლაში სავარაუდო დამნაშავეები დააპატიმრეს

აზერბაიჯანში სოფლის მეურნეობის ათი მუშაკი იმ ბრალდებით დააპატიმრეს, რომ მათი მიზეზით, ბამბის მინდვრებზე მოწამვლების სერია მოხდა.

ამ წლის ივნისში აზერბაიჯანის რაიონებში პესტიციდებით მასობრივი მოწამვლის ოთხი შემთხვევა მოხდა. მთლიანობაში 200 ბამბის მკრეფავი დაზარალდა, თუმცა ლეტალური შედეგი არ დამდგარა.

როგორც გენერალური პროკურატურა იუწყება, გამოძიებამ ცხადყო, რომ მოწამვლის მიზეზი მინდორზე მუშაობისას უსაფრთხოების ტექნიკისა და მავნებლების წინააღმდეგ ქიმიური ნივთიერებების გამოყენების წესების დარღვევა გახდა.

ამ დარღვევაში ბრალდებულია ათამდე აგრონომი, მცენარეთა დაცვის ცენტრის უფროსი და სახვა პასუხისმგებელი პირები.